6 – صرت خبير من الدرجة الاولى بالتكرير و اعادة تصنيع المواد (الريسايكلينغ) خاصة وقت الماكيتات.
7 – بتعتبر الاجازات الطويلة فرصة لسحبة نوم متراكب ( و بتنسى من بالك شي اسمو مشوار او ترفيه ).
9- ضيعت مفاتيح البيت شي أسبوع بدون حتى ما تلاحظ .( ما أنتا يا دائماً برا يا دائماً جوا و عم تشتغل بالحالتين ) .
10 – بتمر عليك فترات بتسمع كل شي عندك سيديات أغاني و موسيقا بأقل من 24 ساعة .(الأغاني توأم روحك بالليالي الملاح) طبعا هاد اذا ما تكرر شي سيدي اكتر من 5 مرات بدون ما تحس .
11 – بتشتري مجلات عمارة و ديكور أقل وحدة ب 500 ليرة و عمرك ما فتحت وحدة منون ....و لا تتخيل فادوك حتى كنوع من الزينة و البريستيج بحجة مكتبتك الخاصة (لو عندك وقت بدل ما تستف المجلات و تأرشفهم كنت قريتهم ) .
12-أوقات بتتمايل و تلولح متل السطلان و تهزي متل المجانين لا وكتير أوقات بتغني بعالي الصوت علما انك عمتشتغل لوحدك عند الساعة 3 الصبح بدون ما تشرب أي نوع من المشروبات الكحولية ...(تحليل الدم اكد عدم وجود و لا حتى أثر من الكحول).
13 – بتعتبر باقي الهندسات (خاصة و خاصة و خاصة الند و الأعداء المدنيين) اختصاص اقل أهمية و دورهم أقل من دورك في الحياة العملية . و تستمر قصة العداء بين القط و الفار ....توم وجيري الهندسات.. ( مدني و عمارة ) و تنتقل من جيل لجيل..
*14- بتضطر بكتير من الأحيان تمشط شعرك (خاصة البنات ) أو حتى تغسل وجك او تفرش اسنانك , ..... بدورات المياه بكليتك (البيت الثاني عفواً الأول ) .
*15 – بتجمع وجبات الفطور الغداء العشاء و حتى العصرونية بوجبة وحدة باليوم ....شهر رمضان كتير مناسب الك.
*17- اكتشفت و فهمت فوائد و أهمية الصلع و الشعر القصير و بلشت تقدر أهمية الوراثة للصلع المبكر .
*18 – أوقات ما بتعرف شو تاريخ اليوم ...( الك فترة ما نمت ) بجوز مر يوم بجوز يومين اصلا مانك قادر تجمع شو كان التاريخ من يوم او يومين .
20 – استخدمت فلم تصوير كامل و انتا عمتصور شي رصيف (علما كل الصور بتشبه بعضا و ما رح تميز وحدة عن التانية ) بس لزملك كم صورة بشي وظيفة او حلقة بحث و انتا ما صدقت على تيك تاك تفقيس بهالكمرا و فهمكم كفاية لما بكون درسة وضع راهن لشي مشروع تخطيط .
21 – تعتبر القهوة – الشاي – الكولا ....أدوات رئيسية تماماً كأي قلم أو كوس لا يمكن الاستغناء عنها لاتمام العمل و ليست مجرد مشروبات للتسلية .
22- بتستخدم الفوتو شوب و بتشتغل منيح ببرامج الرسم.....لك حتى يمكن فيك تشكل مواقع و صفحات ويب عالنت .بس عمرك ما يلزمك تشتغل بالايكسل أو حتى ما بتعرف لشوه البرنامج .
24 – لما بتشهق شهقة بنص الطريق اكيد مو تأثراً بشي حادث سيارة , مجرد نوع من الاعجاب أو الدهشة أو الاشمئزاز من تشكيل غير مألوف أو شي سقف معلق أو لمجرد التعليق على عنصر إنشائي أو معماري- مبنى – مجموعة أبنية.......
26- بتستقل عن اهلك رغم انك ساكن معهم بس الك جوك الخاص و هني الهم حياتهم الاجتماعية اللي ما فاضيلها حضرتك لدرجة انو اخواتك الصغار الهم فوتاتون و طلعاتون اكتر منك و حتى الجيران بيستغربوا اذا عرفو انك ابن فلان بيتفاجأ و بقول عنجد افتكرت ما عندو غير ولد و بنت مثلاً, و أما عن حياتك الاجتماعية الخاصة اللي يا سلام عليها فياما اتضطريت تغلف هدايا رفقاتك بورق الزبدة او بورق تلوينك و رسمك.
27* – بتضطر من أجل دراستك تروح أحيانا لأراضي زلازل و التسونامي و حفريات شي نفق و طرق مقطوعة و ما بعرف شو .....(دراسة وضع راهن و رفع أرض المشروع ).
28 – يا ما صرت فرجة و اتهامست عليك الناس بالكافيتيريات و المقاهي (العمل الجماعي اللازم) و انتا عمتفرش اوراق الزبدة هون و هون و اصواتك معباية المحل انتا و رفقاتك ...(نقاش و تبادل أراء عفوي ).
29 – لما بتحكي عن معماريين مهمين (أحياء أو اموات ) بتلقبون بأسمائهم الأولى بس كأنك رفيقك ومعرفة شخصية و بتعرفون من زمان و في خبز و ملح (وو بتمون حالك عالاخر ) فبتقول فرانك , ميس , نورمان ......... حاف بدون ألقاب و طبعاً كتير بينسحب هالموضوع عدكاترة الجامعة ويمكن بتلقبون بكنيتون حاف لانو في اسماء مكررة و طبعاً ما بوجدون لانو بصيغة المخاطب بتكنلون أوفى أنواع الاحترام و التبجيل .
32- ما فيك تشوف ورقة الزبدة بقياسها الطبيعي (جد ما بعرف ليش ) بتتنكرز و بقسمها لقياسات اغلب الاوقات كل وحدة قياس شكل ....بحجة انو هي مقاسات قادر تتحكم فيها ومناسبة للشغل اسات المناسبة لشغلك ...زعمري ما شفت في ؤابط ياما بيكون أصغر او اكبر .
*33 – لما بتطلع بالسرفيس وحدك بتحجز لراكبين عالأقل ....هاد اذا كفاك بين لوح شد و ماكيت و مسطرة التي و ربك اعلم ,,,,,,بالمستقبل رح يسمحو لكل طالب يدخل سوزوكي معو عالجامعة .
*34 - تَستعملُ إبداعَكَ بالاستفادة لأقصى درجة من السناك فوود و الوجبات السريعة فمثلاً بتعتبر الشيبس عبارة عن صحن مقبلات و الكولا المشروب و السندويشة الوجبة الرئيسية و ما بتنسى التحلاية بشوكولاتة (ما بتنقص شي ) طبعاً و بتحسبا عأقل تكلفة فينك عليها.ِ
*35 – بتابع المودة من خلال أثار الميك اب الرصاصي ( للشباب و البنات ) و الملابس المنقطة بالروترينغ الاسود و المووجة بالالوان المائية
و المضافة :
أ- لما بتكون أعياد ميلادك دايماً ضمن حرم كليتك
ب- شعورك أن الناس بتشفق عليك خاصة لما بتشوف ختيارة بتقملك من مقعدها في الباص مشان تقعد عليه
ت- لساتك طالب جامعة علماً انك قؤبت تدخل بال 30
ث- تواجدك بالجامعة الزامي من 8 للل 8
ج- لما معلاق بيندل حوليك بشي بيعينيك و ما بيعنيك و حب الفضول دابحك دبح
ح- لما بتكون غير شكل بقوانين دراستك و انتا الوحيد بين رفقاتك اللي من غير كليات ممكن يرسب بسبب مادة وحدة
خ- اللبس الحلو بالخزانة و اللبس المجعلك لابسو ...بتخاف علي من نظافة شغلك
د- بتعرف انك طالب عمارة من بطاقتك الجامعية
ذ- لسا ما بتاخد نفس بالسنة بيبلش الاسكيز الول بعدها من اسكيز لاسكيز من تبيض لتبييض حتى بالعطل الرسمية
ر- اوقات الطفولة بترجعلك بس الجزء المعزب منها و لايام اللوح و الطبشورة مع تعديل بسيط :لوح الشد بدل الكتاب-الريشة بدل الطبشورة (ما فيك تتراجع و تمسح شي ).
ز-من وين ما ضربوك بترن باختصار: لازم تعرف كل شي لازم تكون الدكتور والمريض-الاستاذ و الطالب –الممثل و المشاهد ......لحتا تقدر تصمم مختلف أنواع الأبنية.
س – بتعامل أدواتك الهندسية على انهون اصدقائك (بني أدميين ) بتحاكيهم و بتلاطفهم ......بتغازلهم و بتبهدلهم
ش – بتعرف كل المحلات اللي بتفتح 24 ساعة بالمنطقة .
ص- تقول(الساعة لسة 12 بليل لسة قدامي وقت كبير اخلص) علماً أن يزداد تسارع العمل بعد الساعة ال 12 و يتناسب عكساً مع قيمة الوقت المتبقي .
الرئيسية
يللا منيحة طلعت التالتة
