كيف بتعرف انك طالب عمارة؟؟؟

تذكير بمساهمة فاتح الموضوع :

قبل ما جاوبكم عهالسؤال


بحب اسمع بالاول ارائكم انتو؟


كيف بتعرف انك طالب عمارة ؟؟؟بمعنى اخر شو كاريكتير و طابع طالب العمارة.....شو في شي بيميز طالب العمارة عن باقي البشر...؟

فمثلا لو شفت معماري بتعرف انو معماري بدون ما يقلك ؟

بمعنى اخر


ايمتا فيك تقول عن حالك انك طالب عمارة؟

طب انا رح اكشفلكم بند ما بيخطر عبالكم بس انا شخصياً كتير بحبو

الميزة 2:

أنا عن حالي بصوت للي حكيهون ما هر و اللي حكيتو ميس لان فعلا صح 100%

اما بالنسبة لسنفور فما من حقو انو يزعل
ولو معقول حدا يزعل من الانسة سماح؟

بسمع بذواقة أكل ...و مشروب...
بس أول مرة بسمع بذواقة لاصق و ورق

هههههههههههه
عيش كتير بتشوف كتير


كل اللي قالوا ماهر بتصوتي عليه؟

بتكون طالب عمارة لما بتبرز للولحد بطاقتك الجامعية وبكون مكتوب عليها كلية الهندسة المعمارية

انسة سماح اهم شي هدول اللي بيكونو فاتحين تمهون و مو مصدقين انو في هيك كلية بالجامعة
هي واقعية بشكل
و التياب كمان جدا مزبوطة انا هلأ بضل لابسة اسود مشان اذا توسخو تيابي ما يبين
يعني مو غلطان و حكي ميس مزبوط

و كبر المعلاق كمان هي لحالا شغلة عظيمة

غير انو طلاب العمارة بيشترو ساعة ثواني
لان الثانية عندون عندا قيمة رهيبة
و ما بيشوفو وقت ليحكو راسون و بيحتفلو بجميع المناسبات بالكلية
مثلا في عيد ميلاد رفيقنا هالاسبوع
بس يومها عنا دوام للساعة 6
فقررنا ناخدلو قالب الكاتو عالكلية
بس الله يخليكي لا تقولي لحدا مشان ما نضطر نطعمي الكلية كلا
بس انت معزومة طبعا
وشكرا على ال A بالوصفية

شكرا لتصويتك ننوشة
بس صاير المنتدى عم ينزكر فه العلامات
شو القصة
كمان عم ينعزمو الانسات
يا عين يا عين
شي حلو والله

اول شي

انا كل اعياد ميلادي من السنة الاولى للتخرج كانت بالكلية


و والله أحلى أعياد هدون


فهي خلص ما رح استنى التصويت

و رح نثبتها

و الأهم
أنو ال A

علامتك

مو بتستاهل شكرا

لو ما بتستحقيا ما اخدتيها


وشكراً عالعزيمة عاملة ريجيم
و طاما ماهر ما عجبو خلص بيحل محلي


ووين الباقي مشان نعرف نثبت او لا و نحسب علامات

عفكرة
انتي كشفت وحدة جديدة

و الك علامتها
كشفت الميزة الاولى

لما بتشوف حدا طالع من الجامع الساعة 8 مسائا و بيدامع الساعة 8 صباحا كمان هيد بينقال عليه طالب عمارة .........

ولما بتشوف البنات لابسة تياب ألوانها متل ألوان قوس قزح و أكتر بتقول أنو هدون طلاب عمارة

انسة سماح والله انت ما في منك


و ماهر انت مو معزوم.....
لان ما عزمتني عالحفلة العجيبة

انا شايفة بلشت اللخبطة
هلا رح نظم البنود الجديدة
والمكشوفة و النقاط و ننتظر محمد يصوت على الجديد لنفرجي انو رئيو كتير مهم
و حتى يعرف انو ما منظلم حدا
و انكم كلكم غاليين


و للعلم في كتير بنود ما بتوقع يكشفوا سنة اولى و تانية

لانو كل ما بتنغمس بالحالة اكتر بتكتشف شغلات اكتر

و لما ما بيمرق شهر على الدوام الا و بيكون عندك اسكيز يعني امتحان قبل اي كلية ما تعمل امتحانات عملية اكيد انت عمارة لما بتداوم كل ايام الاسبوع من السبت للجمعة و بايام العطل و الاعياد بتكون طالب عمارة

الحفلة العجيبببببببببة
شو هي الحفلة العجيبة
بتصدقي ازا بقلك انو هي اول مرة بسمع فيها
ياريت تجاوبيني عليها بسرعة
لانك اثرتي دهشتي وحركتي فضولي

هي بعض البنود انشاء الله ينالو إعجابك يا انسة سماح.............
1- بتحس طالب العمارة جايي من الصومال أو من السودان من كتر ما وجباتو قلت من 3 باليوم ( فطور-غدا-عشا ) لوحدة أو بالأخص نص وحدة..........

2- إذا نام طالب العمارة ( بعيد الشر ) ما بيشوف إلا هل كوابيس عم بتصيبو......
من مشروع الرسم النظري يللي لسة ما خلصو ,,,,,,,,,, أو مشروع الوصفية يللي تعب من شانو وآخر الشي بياخد B- ...
و آخر الشي بتوصل للمرحلة الاخيرة و بيطلعلو للواحد الوحش ( التصميم ) وبيحاول وقتها طالب العمارة (يا قلبي عليه ) بيحاول يقاومو بجميع الاحوال بس لسوء الظروف بيطلعلو GAME OVER "( راسب )" وقتها بيفيق من الحلم....


مع فائق الحب arch-maher

يا ماهر رقم 2

الاولى صح بس تثبتت من زمان و بتوقع نانوشي اللي كشفتا

والتانية حكينا بتثبيتا

و للعلم رح تشوف ال بي ناقص نعمة و تحمد ربك
لانو علاماتكم بالتمرين الاول ما بتبشر خير

و بالنسبة للميزة اللي كشفتا نانوشي أمس :
الميزة رقم 1 :
المنبه رفيق دربك , كل العالم بتستخدمها للتنبيه الصبح و الفيقة من النوم بس انتا بتعيرها عالوقت اللي لازم فيه تنام , تاكل , تروح عالجامعة (مشغول بالشغل ما بتحس عالوقت و ياما اتاخرت عمحاضرتك انتا و نسيان حالك بحل التمارين اللازم تسليما ) طبعاً في حال عندك وقت للنوم .

و بالنسبة للميزة اللي كشفتا نانوشي أمس :
الميزة رقم 1 :
المنبه رفيق دربك , كل العالم بتستخدمها للتنبيه الصبح و الفيقة من النوم بس انتا بتعيرها عالوقت اللي لازم فيه تنام , تاكل , تروح عالجامعة (مشغول بالشغل ما بتحس عالوقت و ياما اتاخرت عمحاضرتك انتا و نسيان حالك بحل التمارين اللازم تسليما ) طبعاً في حال عندك وقت للنوم .

مشان اللخبطة رح نجمع المكشوفين هون :
*3 – ما حدا بشوفك بالاماكن العامة .( الترفيه ممنوع ) .

*14- بتضطر بكتير من الأحيان تمشط شعرك (خاصة البنات ) أو حتى تغسل وجك او تفرش اسنانك , ..... بدورات المياه بكليتك (البيت الثاني عفواً الأول ) .

*15 – بتجمع وجبات الفطور الغداء العشاء و حتى العصرونية بوجبة وحدة باليوم ....شهر رمضان كتير مناسب الك.

*17- اكتشفت و فهمت فوائد و أهمية الصلع و الشعر القصير و بلشت تقدر أهمية الوراثة للصلع المبكر .

*18 – أوقات ما بتعرف شو تاريخ اليوم ...( الك فترة ما نمت ) بجوز مر يوم بجوز يومين اصلا مانك قادر تجمع شو كان التاريخ من يوم او يومين .

[b]*24 – لما بتشهق شهقة بنص الطريق اكيد مو تأثراً بشي حادث سيارة , مجرد نوع من الاعجاب أو الدهشة أو الاشمئزاز من تشكيل غير مألوف أو شي سقف معلق أو لمجرد التعليق على عنصر إنشائي أو معماري- مبنى – مجموعة أبنية.......

[b]

*33 – لما بتطلع بالسرفيس وحدك بتحجز لراكبين عالأقل ....هاد اذا كفاك بين لوح شد و ماكيت و مسطرة التي و ربك اعلم ,,,,,,بالمستقبل رح يسمحو لكل طالب يدخل سوزوكي معو عالجامعة .

*34 - تَستعملُ إبداعَكَ بالاستفادة لأقصى درجة من السناك فوود و الوجبات السريعة فمثلاً بتعتبر الشيبس عبارة عن صحن مقبلات و الكولا المشروب و السندويشة الوجبة الرئيسية و ما بتنسى التحلاية بشوكولاتة (ما بتنقص شي ) طبعاً و بتحسبا عأقل تكلفة فينك عليها.ِ

*35 – بتابع المودة من خلال أثار الميك اب الرصاصي ( للشباب و البنات ) و الملابس المنقطة بالروترينغ الاسود و المووجة بالالوان المائية

[/b]
[/b]

والنتائج الأخيرة هي :
نانوتشي 6

ماهر 3


محمد 1

بتكون طالب عمارة لما بتداوم كل ايام الاسبوع من السبت للجمعة و بايام العطل و العياد (محاضرات تعويضية )و لما ما بيمضى شهر واحد على بدء الجامعة الا و بيكون عندك اسكيز قبل اي فرع بالجامعة بيعملو امتحانات عملية و لما كل ثانية بتاخذ علامة تمرن - مشروع حتى تشبع علامات وتمسح و ماعاد يفرق معك و لما ما بتعايد حدا من رفقاتك بعيد ميلادو بتكون اكيد طالب عمارة لانك مابتتذكر حتى اسمك من كتر الضغط

بتعرف انك طالب عمارة لما بتفترق انت والتلفزيون وأهم شي العلاقة الرائعة مع الكمبيوتر الي دمرتها مشاريع التصميم ..........

انسة سمااااااااااااااااااااااااااااااااح

بيكون الواحد طالب عمارة لما بيضيع عليه حفلة كان بيحلم يحضرها طول عمرو
لان ببساطة عندو محاضرة وصفية مهمة يوم الحفلة

لا تتصوري اديش انزعجت لان ما فيي روح ع حفلة جوليا

بتعرف انك طالب عمارة لما بيكون عندك معيدة حلوة وأمورة متل الانسة سماح

من علامات طالب العمارة
انو الاطفال-التلاميذ بمعنى اخر- هني الوحيدين اللي بيدرسو ع الواح
بس وين
ببيوتهن اما فئة الطلاب فمابيدرسو ع الواح
الا طالب العمارة بيتغل ع اللوح
و مو اي لوح
لوح متنقل
يعني الاطفال وضعهن احسن من وضعنا

للاسف
لهلا ما عمتضيفو شي جديد

NaNouSHi كتب:انسة سمااااااااااااااااااااااااااااااااح

بيكون الواحد طالب عمارة لما بيضيع عليه حفلة كان بيحلم يحضرها طول عمرو
لان ببساطة عندو محاضرة وصفية مهمة يوم الحفلة

لا تتصوري اديش انزعجت لان ما فيي روح ع حفلة جولي

ا

بكل الفروع بيتضطرو يلغو حفلات كرمال محاضرات مهمة
بعدين هي ضمن البند نفسو انو ما منشوف طالب العمارة بالاماكن العامة

arch-maher كتب:بتعرف انك طالب عمارة لما بتفترق انت والتلفزيون وأهم شي العلاقة الرائعة مع الكمبيوتر الي دمرتها مشاريع التصميم ..........

قربت

رح سهلك

نتيجة الابتعاد عن التي في .........(التعلق بشو؟؟)

بعدين جايك ايام ما بتتركو لصيقك الكمبيوتر بس رح تكون علاقتك فيه من نوع اخر

شو يعني انسة
مافي الي نقاط جديدة
يعني كل شي خطر بباي حطيتو
طيب لحتى نعرف ليش مو عم تقبلي اقتراحاتنا
قوليلنا شو مرجعية هال 35 بند اللي عندك
يعني مين حاططهن

هههههههههه
مقال اجنبي و ترجمتو

بعدين
بالعكس
عزبت حالي وحدت اسلوبن معناها ما بقبلهن؟

انسة سماح كل رفقاتي بغير كليات راحو على حفلة جوليا وانا مصرة انو هاد شي مزعج

لما بتكون حاسس حاللك سيد العالم وبتفهم بكل شي وبلحظة من اللحظات بيصير معك عكس الاحساس يعني بتحس حاللك اغبى انسان موجود في الكون اكيد رح تكون طالب عمارة

اي معك حق و انتي كمان كان فيك تتجاهلي المحاضرة تغيبي و تحضريا
يعني هاد مالها علاقة المحاضرة
االها علاقة الالتزام اللي بيتميز في كل شخص

NaNouSHi كتب: انسة سماح كل رفقاتي بغير كليات راحو على حفلة جوليا وانا مصرة انو هاد شي مزعج

Admin.waseem كتب:لما بتكون حاسس حاللك سيد العالم وبتفهم بكل شي وبلحظة من اللحظات بيصير معك عكس الاحساس يعني بتحس حاللك اغبى انسان موجود في الكون اكيد رح تكون طالب عمارة

حتى لا تقولوا عمصعبا

رح اعتبر النص الاولاني من حكيك و اعتبرها وحدة بس بشكل نخصص اكتر
و الك علامة

الميزة اللي كشفتا رقم 13 (مدري نحس مدري حظ)

الميزة 13:

صارت العلامات
نانوتشي 6

ماهر 3

محمد 1

وسيم 1

اوك نانوشي

بس من حصة ما بتنحرمي

اذا شايفتيها بتستاهل كنتي رح تغيبي

بس عقلك الباطن بيئكد انو الدرس اهم لهيك اخترتي

و بالنسبة للوح الشد هو ضمن اغراضو اللي حكينا فيون قبل انون بحاجة سوزوكي

شو آنسة سماح وأنا برات العلامات ولا شو
وبعدين ورجيما شطارطك بموضوع "
[ندعوك للتسجيل في المنتدى أو التعريف بنفسك لمعاينة هذا الرابط]



ولا منك قد هل حمل........

اي لهلا ما جاوبت صح
جبلك علامات من وين

كمان في علامات هنيك؟

المشكلة بدنا من السنوات الاكبر

في شي انتو ما بتحسو

لتحسوا باقي اللبكات

بس في كتير شغلات فينكم تكتشفوا

بكل الاحوال محمد ما بدو يدخل المسابقة بعد هلا

و انا رح اعمل تحديث ضفلكم العلامات و اشطب علامات محمد

و بعد العلامات الجديدة

منشوف

لما بتستلموا بئلكم

في عندي فكرة جديدة
ان شاء الله تكون صح
طالب العمارة هوي اكتر طالب مستعد تحمل المصاعب والاهوال المناخية والعوامل الجوية القاسية والمجحفة بحق البشرية كلها
من مطر وشمس وصواعق ورعد
و و و و ..............
الى ما هنالك من مصاعب ومشاكل خارجية
المهم عندو انو ما تتاثر اغراضو باي شي
ولا اي غرض منهن
يعني هوي ازا اكل مطرة متل فراق الوالدين
معلش
المهم اغراضو
بدءا من الكرتونة مرورا بالشنتة والفلاشة -USP-
وحتى الوصول الى اغلاها ثمنا
LAPTOP

مبروك ماهر

بس الاغلا ثمتا المشروع اللي تسليمو بعد دقايق

لانو قيمته لا تقدر