و هلا منذكر بالمميزات مشان الاعضاء الجداد:
بتعرف انك طالب عمارة لما :
1 - بتعير الساعة عوقت النوم , الأكل , الدوام (مشغول بالشغل ما بتحس عالوقت ) طبعاً في حال عندك وقت للنوم .
2 - بتميز اللاصق الجيد من السيء من طعمتو ( دايماً بتنسى المقص و حتى لو معك ما في وقت للتفاهات بدك تلحق و بس و ما في أحسن من الأسنان للتقطيع اللاصق ) يعني ممكن بشي يوم تفوت عالمكتبة و تدوق اللاصق لتتاكد انو كويس قبل ما تشتري .....يا عم خبرة..
3 – ما حدا بشوفك بالاماكن العامة .( الترفيه ممنوع ) .
5 – مجرد ما تمسك ايدك قلم باللاوعي بتبلش تشخبط (على قولة نانسي ) و ترسم اسكتشات وين ما كان حتى عطاولتك و مرسمك .....ده اللي عملتو ده أسوء عادة....
6 – صرت خبير من الدرجة الاولى بالتكرير و اعادة تصنيع المواد (الريسايكلينغ) خاصة وقت الماكيتات.
7 – بتعتبر الاجازات الطويلة فرصة لسحبة نوم متراكب ( و بتنسى من بالك شي اسمو مشوار او ترفيه ).
8 – عندك صور لمباني و انشاءات معمارية أكتر من صور الناس و الخلق ( بالرحل ما في غير عمتلقط صور للبنايات و قليل ما تتصور او تصور رفقاتك و خااصة لحالك بدون خلفية مبنى وراكم و طبعا ما تنسى صور مشاريعك و مشاريع رفقاتك لتقوم بالواجب قبل كل تسليم) فيك تتأكد هلا من البومات الصور.
9- ضيعت مفاتيح البيت شي أسبوع بدون حتى ما تلاحظ .( ما أنتا يا دائماً برا يا دائماً جوا و عم تشتغل بالحالتين ) .
10 – بتمر عليك فترات بتسمع كل شي عندك سيديات أغاني و موسيقا بأقل من 24 ساعة .(الأغاني توأم روحك بالليالي الملاح) طبعا هاد اذا ما تكرر شي سيدي اكتر من 5 مرات بدون ما تحس .
11 – بتشتري مجلات عمارة و ديكور أقل وحدة ب 500 ليرة و عمرك ما فتحت وحدة منون ....و لا تتخيل فادوك حتى كنوع من الزينة و البريستيج بحجة مكتبتك الخاصة (لو عندك وقت بدل ما تستف المجلات و تأرشفهم كنت قريتهم ) .
12- كزا مرة بلشت تتمايل و تلولح متل السطلان و تهزي متل المجانين لا و تغني بعالي الصوت علما انك عمتشتغل لوحدك عند الساعة 3 الصبح بدون ما تشرب أي نوع من المشروبات الكحولية ...(تحليل الدم اكد عدم وجود و لا حتى أثر من الكحول).
13 – بتعتبر باقي الهندسات (خاصة و خاصة و خاصة الند و الأعداء المدنيين) اختصاص اقل أهمية و دورهم أقل من دورك في الحياة العملية . و تستمر قصة العداء بين القط و الفار ....توم وجيري الهندسات.. ( مدني و عمارة ) و تنتقل من جيل لجيل..
14- بتضطر بكتير من الأحيان تمشط شعرك (خاصة البنات ) أو حتى تغسل وجك او تفرش اسنانك , ..... بدورات المياه بكليتك (البيت الثاني عفواً الأول ) .
15 – بتجمع وجبات الفطور الغداء العشاء و حتى العصرونية بوجبة وحدة باليوم ....شهر رمضان كتير مناسب الك.
16 – بأكتر من مناسبة و بكتير أوقات (لما بيكون مزاجك كول ومكيف , مروق و عين الله عليك ) بتقعد بتتخيل بيت احلامك و كيف رح تصممو .
17- اكتشفت و فهمت فوائد و أهمية الصلع و الشعر القصير و بلشت تقدر أهمية الوراثة للصلع المبكر .
18 – أوقات ما بتعرف شو تاريخ اليوم ...( الك فترة ما نمت ) بجوز مر يوم بجوز يومين اصلا مانك قادر تجمع شو كان التاريخ من يوم او يومين .
20 – استخدمت فلم تصوير كامل و انتا عمتصور شي رصيف (علما كل الصور بتشبه بعضا و ما رح تميز وحدة عن التانية ) بس لزملك كم صورة بشي وظيفة او حلقة بحث و انتا ما صدقت على تيك تاك تفقيس بهالكمرا و فهمكم كفاية لما بكون درسة وضع راهن لشي مشروع تخطيط .
21 – تعتبر القهوة – الشاي – الكولا ....أدوات رئيسية تماماً كأي قلم أو كوس لا يمكن الاستغناء عنها لاتمام العمل و ليست مجرد مشروبات للتسلية .
22- بتستخدم الفوتو شوب و بتشتغل منيح ببرامج الرسم.....لك حتى يمكن فيك تشكل مواقع و صفحات ويب عالنت .بس عمرك ما يلزمك تشتغل بالايكسل أو حتى ما بتعرف لشوه البرنامج .
24 – لما بتشهق شهقة بنص الطريق اكيد مو تأثراً بشي حادث سيارة , مجرد نوع من الاعجاب أو الدهشة أو الاشمئزاز من تشكيل غير مألوف أو شي سقف معلق أو لمجرد التعليق على عنصر إنشائي أو معماري- مبنى – مجموعة أبنية....
الرئيسية
