عنجد بلا خجل

تذكير بمساهمة فاتح الموضوع :

يا شباب و صبايا شو رأيكن عسيرة الحب اللي فتحها وسيم كل واحد يحكي عذاباتو بس عنجد
يعني جلسة صراحة" ما حدا هلا ينط يقلي ام رعيدة و بحب المشاكل " بالعكس بدي نتقرب من بعض

تعو لهون عاساس جيل و العياذ بالله شكلكن كنتو عاملين اكتر مننا لهيك عم تتحسرو
و شكلنا بالتانية مرح نفضى لهيك مواضيع
بس شو مشان انا و الخطيب صايرين منغار عبعض لعمى شقفة مطيطة بالمزح هيك ساوت
والله بخاف اشلحا يقوم يزعل مع انو متلو متل باقي رفقاتي

هههههههههههههه

يا شاطرين كلياتكم
اكلتو المقلب
اللي بيسمعكم بقول انا و التانية من نفس الجيل و كنت بدفعتون

انا معلمتن متل ما علمتكم
لا و معلمة التالتة كمان لما كانو

لا ديانا انا ما من رئيي رزان
الغيرة حلوة
حلوة حتا لما بتحرق

اسئليني انا
عمقلك مجوز 4

ليش انسة رزان عمين عم تغاري؟ ليكون عبشار؟

ههههههههه

الغيرة يا بنات بتحسس البنت بوجودا
و بتحسسا انو فين بيهمو امرها
و انها بالنسبة لشخص محدد يمكن كل الكون

صدقيني لا انسة يعجز اللسان عن التكلم بعدك
باختصار اتبعو رايي الانسة لانو معها حق

تسلم
بس للاسف بهيك مواضيع
ما في رأي نهائي متل العمارة
الموضوع نسبي مو بس من شخص لشخص
و من زمان لزمان و من حالة لحالة

بس انا هلا و بهالعمر و بهالتفكير هيك رئئيي


يمكن الشرش البانياسي ضارب مو ماهر؟

بالنسبة لانو كل واحد الو رايو يا انسة ف اكيد معك حق
والدليل انا ماقلتلهن يتقمصو لرايك
انا قلتلهن يتبعوه مو اكتر
وما جبرت حدا على هالشي
اما الزمان
فمابتوقع الو دخل ابدا ابدا بالموضوع
هادا احساس بيختلف باختلاف الشخصية فقط
يعني من امراءة لامراءة
او من رجل لرجل
والاهم بالموضوع واللي هوي الشرش البانياسي
ف انعم به من شرش يا انسة
وبكل الاوقات
ولا شو يا انسة سماح

لا العمر نضوج ماهر
و مع الزمن بيزيد العمر
هاد اللي قصدتو

اي والله اهم

اوكي
وصلت الفكرة

هلأ انا ماقريت كل الردود..لانو الموقع كتير تقيل معي و عم انشل لحتى تفتح الصفحة..
كنت داخلة بالاول قول انو الواحد يحكي عن قصصه عالنت..مو كتير شي ظريف ولا حتى اذا كان الغرض التقرب..لانها شغلات كتير خاصة..وبتنحكى للقريبين فعليا..مو عالنت..ونحنا اصلا اغلبنا مامنعرف بعضولاحتى بالشكل..

يللا انا بحكي كتير..طولو بالكن
خصوصا لاني لوحدي بالبيت..فاستحملو..


بس بمناسبة الحديث عن الغيرة..
فهي عنجد متل ما قالت الآنسة سماح..حلوة..بشرط ماتكون كتير زايدة.
بس فعلا كتير حلو انو البنت تحس انه "هو" بيغار عليها..لانها بتهمه..ولانه بيحس انه مسؤول عنها..


شكلي لازم اقرا الصفحة التانية لأعرف شو كان صاير!!
الحقيقة انا شهدت ع مغامرات شوية ناس..

وينو محمد بنشي يشهد معي؟؟؟

بانتظار الشهادة

شرط محمد بنشي
انا مابيمشي حالي
ازا بيمشي حالي
ف انا بايدك
بكل شي حكيتي

ماهر..بشغلى الشهادة محمد الوحيد اللي كان شاهد معي
بس شكله اتراجع لأنه خاف يوص البل لدقنه



شو محمد؟؟

شو يارا ؟؟؟
شو قصدك ؟؟!!!!

اي يارا
كنت عم امزح بس

حتى لو ما كتير بتهم شهادتي بالنسبة ليارا ((بما انو ما كنت حاضرة لإشهد)) بس انا برأي انو الغيرة كتييييير حلوة
وهالشعور بالذات هو اللي بيخلي قصة الحب بين الطرفين ما تكون مملة
وفيها حركة وتجديد _بعد كل خنائة في صلحة_بس طبعا كل شي بيزيد عن حدو
......بيقلب ضدو...... فرح
وللا شو رأيكن؟؟؟؟

اي ياسمين متل ماقال محمد
عم تحكي درة
ايييييييييييييييي عفوا عم تحكي درر

ولو
تعالو ايمت مابدكن منحكيلكون درر
ولا شو رأيك آنسة سماح؟؟؟
نحنا ما منحكي درررر

لك لكن لكن ياسمين ...

هلأ شو مشان يارا عم تطقلي برغي ..

ولا ماهر غيران مني ؟؟

ولا محمد
شو اللي فيك بخليني غار منك
هات
قللي لشوف
ع شو بدي غار

ولو ياسمين!!..اكيد بتهمني..بس هي الشهادة عمغامرات الطلاب بالاولى..بتعرفينحنا مراسمنا كانت ورا..
وبنشي كان بالاجواء..

ومارح طقلك براغي محمد..بطقهن ع شي محرز..او بخلين لهددك فين عند اللزوم..
بعدنا نحنا رفقات ..شز طق براغي ما طق براغي!!
ماحبيتها منك

(وش ملاك ماعم لاقيه)


اما بالنسبة لرد ماهر الاخير
فلا تعليق!!


الله لايجيب مشاكل

((على راسي))!!
آنسة يارا بتعرفي انو كنت عم امزح!!!

لسه ما لحقتو تتركو السنة الاولى بلشتو طق براغي لبعض؟

ههههههههههههه فعلن للمفاجأة وحدة بوحدة انتو يعني لازم الانسة سماح تقعد تحاول قبل بيومين تمثل دور المتفاجئة هههههه بلنسبة للموضوع كلنا لما بنحب اول مرة بنقول انو مابقى رح نحب بس كلنا مراهقين ولسى ماشفنا شي بهلدنيا كل واحد بشوف مصايبو وهمومو اكتر شي مع انو اذا بدنا نقارن حالنا بغيرنا بنطلع ولا شي شي طبيعي الواحد ما ينسى الحب الاول لانو بضل اول ذكرى الو بلحب او بلشعور اللي لاول مرة الواحد بجربو بس يعني متل ما دق القلب مرة لانسان انت حسيتو غير عن العالم بدق مرة تانية لانو الواحد بصادف ناس كتير بحياتو بتقدر تكسرلو قواعدو وتنسيه كلشي بلنهاية الله يوفقك ياديانا ويصبرك

اي صحيح يا جماعة
الماضي لازم نجعلو درس
لانو مارح يرجع متل ما بتعرفو
اما الحاضر فنحنا اللي بدنا نصنعو
لازم نحاول نصنعو صح

أنا بصراحة ما عندي قصة شارككن فيها بس اليوم سمعت بعض الانتقادات عالموضوع و كاتب الموضوع لهيك شكراً كتير ديانا عالجرأة اللي دائماً أنت بتتحلي فيها و أنا بعرف لو كان صاحب الموضوع صبي ما كنت سمعت أي انتقاد لأنو دائماً نحنا البنات منطالب بحقوق المساواة مع الذكور بس إذا سمعنا بنت قالت أنا حبيت منتهجم عليها و منقول أنها فلتانة لهيك لا تردي يا ديانا و خليكي على طبيعتك

اول شي مسا الخير ..... ؟؟؟
انا ماني عارف انو في هيك موضوع ... وضليت شي يوم كامل انا وفصيلة الزواحف اللي بينتمي الها خطي الانترنت اللي تابع للجمعية العلمية السورية للمعلوماتية ... وكنت حابب رد بعد كل حدا بيرد ... بس بتعرفوا انو ما بيمشي الحال ... طبعا ضليت شي يوم كامل وانا عم اقرا كل الردود .... ولذلك رح حاول رد قدر على الامكان على الكل...؟؟؟
بالنسبة لديانا ... موقف رائع من قبلك ... بالنسبة لطرح هيك موضوع ... وانك تكوني البادية بهالشي كمان .. وانك عبرتي بكل صدق وتجرد عن كل شي عم يصير جواتك ... بغض النظر اذا كان هالشي صحيح او لا ... او انك مبالغة فيه او لا ...؟؟
اما ارت ماهر ... ف برافو علاك انك نسيت ... بس اذا بدك بكرة بقللك على كم عملية ... رح تنصدم كتير من نتائجها ...؟
ورح تقول الي ...يا ريت ما عملت هيك ياحطان ... شو كان بدي بهالصرعة ...؟؟؟
اممممما .....الاااااااااااااانسة ....سماح ... ؟؟؟ بدك تشعليها بين الشباب ما ...يا عيب الشووم ...؟؟ نحنا هون عمي .. ومارح نسمحلك بهالشي ... بيجوز هنون ما ننون بعمرك ... ف اسمحيلنا ..اوكيي ... وصلت الفكرة ...؟؟
ابو حميد وماهر ... هيك بتخللوهون ...يحاولوا ...ها ....يحاولوا ياثروا بيناتكون ,.... ؟؟ اوعا تخللوهون ..؟؟؟
اما الباقي ... الغيرة حلوة ... ما بعرف لاي درجة ... انتو فينكون تقرروا هالشي ... بالنسبة الي نو ليميتس .. للغيرة ..؟؟
لدرجة احدى المرات الغيرة.. صار من وراها حرب طاحنة ...بين مجموعة من الصبايا ... على شب ...؟؟؟
وباحدى المرات ...ضلينا نحكي عن احد الاشخاص قدام بنت شي 5 ساعات ... كاننا كنا عم نحكي الحيط ...؟؟
اما بالنسبة للموضوع الرئيسي ... ف انا ما عندي مشكلة ... واذا بدكون ببلش ...بعد ما بسمع ردودكون على هالحكي ..؟؟

والله يا مسيو حطان ما وصلت الفكرة
هات لشوف ففسرلي
عدم الممؤاخذة امتل ما النت عندك من فصيلة الزواحف
الاستيعاب عندي من نفس الفصيلة بس بيتنمي للسلاحف تحديداً
و متل ما بتعرف السواخف بتعيش كتير لهيك عمري كبير

اي بعرف عمرك كتييييييييير كبير ... الله يخليلك اياه ...وعقبال ما تصيري اكبر معمرة بالعالم ...كمان ...وتدخلي كتاب غينيس كمان ...؟؟؟ بس قصدي ... انك متل ما قلتي سابقا ....انك عم تهربي ...(مابعرف من شو ) بيرجع بيطلعلي ما بعرف ..؟؟
( ما بعرف كيف ) ... ف انا عم كففي الموضوع ما اكتر ... ؟؟؟
وباعتبار استيعابك من فصيلة خطي ... النت ... رح ركب للتنين شي محرك نفاث ...بركي بتوصلك الفكرة ....دايركت ...؟؟
مع انني بعرف عنك انك بتلقطيها على الطاير ...بالعادة ... بس معلش معذورة ... ؟؟؟

شو القصة يا جماعة
ليش الامور مضطربة هالايام

هههههههههههه
اي استعجل بالحرك الله يحليك قبل ما تروح علي

قبل ما تروح عليكي واللا على خطي
شو هاد .... صرلي يومين عم حاول اقنعوا اننو نسر كبير
وكتيييييييييييير سريع
وبيمشي الحال شغلة شي 10 دقايق
بيرجع بعدها وهوي معصب وبطييييييييييء
وبيقللي هلق انا اقتنعت اني نسر
بس روح اقناع فصيلة الزواحف بها لشي
ماهر ما مضطربة ولا شي
بس صرلنا زمان ما تحركنا
ما هيك سماح...؟؟؟؟

و الله انا فتت على هالموضوع اول مرة و ضليت شي ساعة و انا عم اقرا الردود و شفت انو ما شاء الله عنكن بتبلشو بموضوع و بتصيرو بغيرو و غيرو و بتعلقو و ما بعرف شو بشتهي صايرة فوت على موضوع بهالمنتدى الا و بيكون ا لعنوان شي و الردود شي تاني شو هاد

مو من شان شي
بس من شان نضل متذكرين

متل قلتتو لانك مانك متابعة تسلسلل الاحداث والمجريات على مدى 3 شهور...؟؟؟

عم نقللك 3 شهور النا منحكي
بدك بكم سطر تفهمي كل شي

اول شي كتير تأثرت بالقصص
يمكن أنا ما عشت هيك شي
بس بعرف كتير عالم عاشو هالقصص المأساوية بس تخطوها لأنو الحياة أكبر من أنو نعيشها بقصة و لو حتى كانت مهمة كتير
المهم أخر شي انبسطت انو الموضوع قلب تسلاية و أعياد الميلاد و أحلى كلام