عنجد بلا خجل

يا شباب و صبايا شو رأيكن عسيرة الحب اللي فتحها وسيم كل واحد يحكي عذاباتو بس عنجد
يعني جلسة صراحة" ما حدا هلا ينط يقلي ام رعيدة و بحب المشاكل " بالعكس بدي نتقرب من بعض

شو راي الشباب يبلشو لان عيب عليكن نحنا نبلش انتو خبرة ماشاء الله

يالله لشوف ليش همدتو

بلا حب بلا بطيخ


تفضلي اتحفينا انت بأول قصة

ايه ولله مو انت كاتبة الموضوع وعنوانو بلا خجل لكن بلشي فيه انت .............

طيب بصراحة انا بكل عمري حبيت أو بالأحرى متت بشخص واحد و بدي ضل حبو لحتى موت
الي 3 سنين بحبو بس ماحكيت معو هوي بيعرف و انا بعرف بس الظروف ما بتسمحلو يحكي و لا يربط اي بنت فيه هوي مريض انا كل شي بتشوفوني مبسوطة يا رفقاتي بكون زعلانة و في أمل انكسر بحياتي في شي حبطني انا ضليت كل الحادي عشر عم موت و اتهدم من جوا و برا
حبيتو بعد ما اقتنعت انو هالشي حكي فاضي بس اجاني متل الملاك و انا ماني عم فكر بموضوع الحب كانت تصير بيناتنا صدف و تخاطرات اكبر بكتير من العلاقات الانسانية
حبيتو بكل جزء فيني بقلبي بعقلي عيوني دمي فيني ضل احكي لايام عن احساسي بفرح بس ... هدا حكي بزيد الحسرة و الغصة و بيحرق العين بلا ما تنزل اي دمعة لان ما فيه يعيش اكتر من 15 سنة و هوي اكبر بكتير من انو يحط حالو بموضوع الضعيف

بس شكرا لربي عكل شي لان اذا بدي شوف الخير بالموضوع فهي اهم تجربة بحياتي

انا بحييكي من كل البي ع جرأتك وشجاعتك ....بس انا بفضل احفظ اسراري جواتي ما طلعها لبرى

المشكلة بس الواحد يوصل للمرحلة اللي وصلتلها من الكآبة عم تفهمي عليي مهيك ؟ تعب حقيقي ما كنت نام بس توصلي لهالمرحلة ما بقا في شي اسمو سر بتحسي قلبك مشقوق مجروح
و الله ما بعرف لا عم اعرف عم عبر و لا بقا فيني احكي

الله يصبرك ديانا

و بقلك شغلة رح تضلي تحبيه لحتا تموتي

بس صدقيني رغم حبك الو اللي رح يضل بقلبك الحياة بتستمر و قلبك رح يدق للحب اللي بتقدري اتكملي معو

و رح يبقى متل ما قلتي احلا زكرى و احلا تجربة عطتك هالجرأة الحلوة اللي لازمتك لبعدين

تسلمي انسة سماح بس و الله ما فيني حس بالحب نفسو كان شعور كتير غريب و حلو و هوي هلا اغلى انسان بالنسبة الي و انا وعدتو اني انتبه عحالي بناء عطلبو و بيتبرني اغلى شي بحياتو بس لبعدين ما فيني حط حدا بنفس الموضع لان ما في متلو حساس فهمان اكبر مني بحسسني بحالي لولاه بعمري ما جبت 257 لان وعدتو جيب 260 و ارجع لاحلامي اللي نشات ابلو و ضاعت بعد ما انكسرت و كمل دراستي بايطاليا رجعني للحياة بس بناء عوعدي ما بحسسو بشي و هاد صعب كتير و ببكي انا حقو عليي ضل لاخر لحظة اعز صديقة الو

اي

و انتي لسا بقلب الحدث
اكيد ما فيك تحسي غير هيك

رح قلك سر
احلا انواع الحب و اصعبا الحب المستحيل

اما انا فحكايتي الها أول مالها اخر بس باختصار وبعيدا عن التفصيلات
انا حبيت انسانة كانت بالنسبة الي ملاك وهية كانت أول وآخر حب بحياتي , بعرفها من زمان كتير ومن شي 4سنين حبينا بعض وعلاقتنا بلشت تخوض و تغوص أكتر واكتر . حتى انو ما كان بيناتنا حب وبس ... كان اكتر من هيك.......
المهم بسنة البكلوريا .... بأولتها سار بيناتنا مشاكل وعرفو أهلها بالموضوع وطبعا مارضو كفي حككيي معها قال شو مابيصير لانو كل واحد مننا الو دين واحنا ما كان عندنا أي مشكلة .... المهم قررت تنسحب من حياتي بلمح البصر ونسيت كل شي بيناتنا
وهووون أنا جنيت وما قدرت اتحمل المهم حاولت انتحر مرتين بس الله كتبلي عمر جديد..........
وهلء من شي شهر رجعت دقتلي وقال بدها ترجعلي .... بس انا ماسدقتها....بس بعدين ما قدرت ما حاكيها لانو انا فعلا بحبها
بحبها للعضم..........المهم بعت شي فترة نزلت مع رفقاتي عالاميركان وسبحان الله شفتا بالكافيه اللي كنت قاعد فيها ...
وياريت هيي ورفقاتها البنات ......أو كانو شلة كنا قلنا فيها وما فيها ........ بس انو قاعة مع شب لوحدها معو
لألألألأ ما قبلت هيدا الشي عحالي مهما كنت بحبها بس اتعلمت وقتها بمساعة بعض الرفقات اللي ما بعتقد انو رح انسى
وقفتن معي ...انو لازم انسى وفعلا أنا هلق شبه انسيت لحتى ديانا فتحتلنا جروحاتنا
وعلى كل يا ديانا كل واحد بتلاقيه كتير مبسوط والعالم بتحسدو على ه الضحكة اتأكدي انو من جوا ما بس مجروه ...
بيكون ما قادر يتنفس ولا ياخد هوا
..........

ما اي ضحكة مجروحة يا ماهر
الضحكة المجنونة
الضحكة اللي مبالغ فيها
الضحكة السريعة


دنيا أسعد سعيد

مظبوط انا كتير بيتعلق عليي و احيانا بيقلولو يخزلعين فيك تضلي مبسوطة شو ما كان صاير بس الصراحة انا ما فيني اتحمل شوف حدا مقهور او كون سبب ازعاج لحدا قلبي بعص لهيك بضل بعمل جو مرح و تنكيت عحسابي حتى
المهم ما رجع هالاسود اللي كنت شوفو وين ما روح

شكرا الك ............

عم بفهم عليكي يا ديانا تمام ...زكرتيني بصديقة لي عاشت قصة مشابهة لقصتك ولو بضلي عم تحكي معها سنة مابتحسي انو عندها مشاكل لا نو بضل عم تتضحك ودائما كانت تألي "عم اضحك لحتى ما ابكي ويشوف العالم ضحكتي ويؤلو هبلة احسن ميشوفوا دموعي ويؤلو ضعيفة او مسكينة"

والله معك حق

بس هي مشكلة انا ما فيني شوف حدا اني ضعيفة لهيك بتعب قضيت قصتي كلها لا ما حدا يدرى شو صار نحفت 10 كيلو ما فيني ابكي ولا احكي و لا عبر غير بالكتابة ما فيني اتواصل مع حدا غير بالكتابة ما بيوصل شعوري ما في شي بريحني متل الرسم و الكتابة بس انا بحتاج ابكي بس متل ما قلت الضحك خير وسيلة للهروب و يمكن رح تلاحظي هالشي فيني

لاحظت هل الشي اول ماتعرفنا ويمكن ألتلك كذا مرى انك بضلي عم تتضحكي بلمزح وعلى فكرة كل مرة منكون بشي مشوار و بتفأعية ضحكة بلعالي بتذكر صديقتي الي حكيتلك عنها

يالله فتحت قلبي باصدق شي و لابعد الحدود و هيدا الشي الوحيد المخبا بحياتي بس ما عندي مشكلة فيه شو رايكن تبلشوانتو

حلكون تبلشو

ياريت لو فيي بلش

بس قصتي خيال

واذا بدي اكتبها ما بتخلص لحتى تحسو انو قصصكون كتير سهلة

واصلا ما بتنكتب كتابة


وماهر بظن بيعرف

وهوه اكتر واحد حكي هيك

واكيد بشي نهار منقعد و بحكيها

بالنسبة الك يا ديانا

فانا حاسة فيكي كتييييييييييييييييييييييييييير
وبعرف شعورك

ومتل ما الشخص اللي بحبو كان يضل يقول بيتين شعر

أمر ما ذقت من ظلم الهوى قرب الحبيب و ما اليه وصول
كالنـــوق يقتـــــــلها الظـــــما والماء على ظهورها محمول


وبالنسبة الك يا ما هر
انت بتعرف تماما رأيي ما في داعي احكيه

بس متل ما بيقولو

دائما بالحياة

في شخص للحب و القلب

وشخص للعشرة و الارتباط

وانشالله خير

اصلا لسه نحنا زغار عهالحكي
معنا وقت و منفكرو منتغير لسه كتير

بالنهاية
كرمال الله
مينو هالاجدب او الجدبة اللي رح يحبو حدا عمارة؟؟؟؟

يابيكون بالجامعة يا عم يرسم

وبأيام العطل الرسمية القليلة بيكون مضروب ع قلبو نايم


wireless love

ديانا كتب:مظبوط انا كتير بيتعلق عليي و احيانا بيقلولو يخزلعين فيك تضلي مبسوطة شو ما كان صاير بس الصراحة انا ما فيني اتحمل شوف حدا مقهور او كون سبب ازعاج لحدا قلبي بعص لهيك بضل بعمل جو مرح و تنكيت عحسابي حتى
المهم ما رجع هالاسود اللي كنت شوفو وين ما روح

اكيد برجك الجوزاء

NouR كتب: بالنهاية
كرمال الله
مينو هالاجدب او الجدبة اللي رح يحبو حدا عمارة؟؟؟؟

يابيكون بالجامعة يا عم يرسم

وبأيام العطل الرسمية القليلة بيكون مضروب ع قلبو نايم


wireless love

الحب اعمى

و في ناس بتحب الغموض لتكتشفوا و تسبر اغواره و ليس لها الا العمارة

ههههههههههههههههههههههه

الله يعينو للي بدو يحبني
اان عندي غموض رهيب

ولسه اجت العمارة
والله ليحس حالو متزوج او حابب شي لغز

هههههههههههههه

مالك غير المحقق كولومبوس نور

بهي معك كل الحق ........... اخخخ يا شحارو ويا تعتيرو.............؟؟؟؟؟

انسة سماح بربك كيف عرفت برجي ؟

سماهم في وجوههم

ولي نور شو قصدك

جوزاء

ههههههههههه


لانو بيدعس عحالو ليؤضي غيرو

و بضيقو ما بلاقي فرح غير بانو بفرج عغيرو


وهو اللي ضحكتو مجنونة من قلب عميبكي



بعدين شبنا
الجوزاء بيعرفو بعض

عراسي كل برج الجوزاء ايمت عيد ميلادك

ليش برضا كون غيير بالاول

اول يوم بالبرج

22-5

ولك كل سنة وانت بخير.....
مع انو اجت متاخرة ................ و عقبال ميت سنة ان شاء الله

يللا السنة عيد ميلادك يا انسة بالكلية

هههههههههههه

من 7 سنين و عيد ميلادي بالكلية

بس السنة نحنا رح نساويلك ياه

طبعا نحنا قدها وقدود زخلص حلق حفظنا التاريخ.....

تسلمو كأتي عملتو

شو هيدي كأنو ما عنا نحنا هيك كلمة بقاموسنا (كأني) قال....هههيييهههه

ايش عندكم باللهي؟

ههههههههههه