لأنها أهم مادة...

السلام عليكم ..
أتمنى الجميع بخير ...

عندي سؤال يؤرقني منذ فترة ... ولم أجد ما يشفي غليلي للآن ..

كيف لي كطاالبة بالسنة الأولى أن أطور نفسي بالتصميم .. ؟؟؟ وما هي الجوانب التي يجب أن أركز عليها الآن في هذه المرحلة ؟؟
بماذا ينصحنا الزملاء في السنوات الأعلى كي نغدو افضل بالتصميم ؟؟

تحياتي ..

اولا : الاطلاع ....بشكل عام ....كتب ..مجلات..مكتبة الكلية ...؟؟
تانيا : استثمار الفراغات في الحل المعماري بدون مساحة ضائعة .....كبيرة ...؟؟؟
تالتا : التفكير بالبعد الثالث اثناء التصميم.... وذلك بان يتخيل الشخص نفسه موجودا ومتحركا في التصاميم التي يخلقها
رابعا : هلق هيدا الرابع هوي مهم كتييييييييير بالنسبة الي
مو شرط تتقيدوا فيه ابدا
الانطلاق من الاشكال الصريحة تماما وخاصة المربع والمستطيل
والابتعاد نهائيا عن الدائرة ...او ...القوس...او المنحني ....؟؟؟
يحبذ استخدام الدائرة
في الكتل الكروية تماما

الله يخليلنا ياك يا أستاذ حطان بس شو بدو يعمل بحالو يلي وقتلي بيجيب شغلات جديدة من ورا الاطلاع زيادة قام بتيجي علامات فلجة؟ قال ليش ما فهمو الفكرة

ههههههههههههههه
حلوة هيدي
بدك تمشي مع التيار معناتها هالحكي

هي ما اسما أهم مادة .........؟؟؟
هي اسما ابشع مادة ..........؟؟؟

كللو بيودي على الطاحون

مدري ليش حاسستها المادة اليتيمة هالسنة ...!!

بالتوفيق يا شباب ...

كيف يعني يتيمة
كتير لذيذة هالمادة
بالعكس انا بحسها ام العمارة
يعني اذا كانت يتيمة فلانها هيي الاصل

طبعا هيي اهم مادة واحلى مادة
وهيي الاساس حتى لو كان فيا صعوبة
ما في شي بيجي بالساهل كلشي بدو تعب

يالله ما عم يطلع الرد ..صرلي فترة عم اكتبه واختفى !!!!

يلا برجع بعيد شو أعمل ..
كنت عم قول انه من كم يوم خلصت تبييض المشروع الرابع ...
وكان بصراحة اول مشروع فعلي منشتغله بإيدنا ومنفهم من خلاله مادة التصميم بشكل عام ...
وانا بشكر كل الاخوة والاساتذة الي ردوا ع الموضوع وجاوبوا سؤالي...
المشروع كان صعب ..وانا كتير حبيته..انا مالي متفائلة بالعلامات (لأنه العادة مشروع صعب وعلامات قليلة) ..بس قدرت افهم مادة التصميم ..وبذلت قصارى جهدي وان شاء الله عما قريب بحط صور من مشروعي هون ...

صحيح كان عبارة عن معرض سيارات ع طريق حلب دمشق ..ملحق فيه مطعم وصالة انترنت وقسم صيانة للسيارات ....

شكرا مرة تانية ..
وموفقين بالامتحان ..
سلام

وكان بصراحة اول مشروع فعلي منشتغله بإيدنا ومنفهم من خلاله مادة التصميم بشكل عام

شو قصدك منشتغله بايدتا؟؟

من كم يوم نيالكن
نحنا مبارح خلصنا وااااااااااااااااااااااااااخ ما تذكريني لهلا حاسة حالي اذا بوقف بوقع بارضي

موفقة
سلااااااام

اهلين فيك سالي مرة تانية ..
مشاريعنا الاول والتاني والتالت كانت عبارة عن تمارين جاهزة بمقياس غير واضح ...من خلالها منتدرب على التقسيم الوظيفي ..على الإخراجات وعلى التوزيع الصحيح للفرش ...على النسب و على دقة التصميم وتوزيع الفتحات و هيك شغلات ...
بينما الرابع كان فيه معطيات محددة ..ومساحة محددة ..والباقي كله نحن منختاره سواء التنفيذ و التصميم والتقسيم وتوزيع العناصر ....إلخ

سالي ..هي أول تبييض إلنا بالسنة الأولى ..وكان كتيير حلو .. كنت حاسة حالي بقرية نمل !! جد وصرت حب زملائنا أكتر وتآلفت معهن أكتر ....صحي تعبت بس كله بهون والحمد لله على كل حال ...

موفقة سالي ..
سلامات

ههههههههه حلوة هي قرية نمل
لسة رح تحبي ايام التبيض اكتر نحنا عملنا مشروعين هيك بالفصل التاني