موضوع حلو كتير ( بتمنى يعجبكم) مواقف من الحياة( السورية ) اليومية

مواقف من الحياة اليومية بسورية (أكيد صاير معكن شي واحد منها ) وإذا عندكن اضافة لا تقصروا :
1- معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
2- بتطلع بميكرو وبتحط هيك وبتطلع (خمسة)وبتعطيها للي
ئدامك، وبكل برودة بيئلك: واحد ؟
3- بتتصل مع حدا من رفئاتك من رقم الشغل و هنن حافظينو
بيئولولك شو بلاقيك بالشغل
بتفيئ الصبح و بتكون عم تغسل وشك بيجي حدا من أهلك و بيئلك شو فئت - لأ عم امشي بنومي
بيشوفوك عم تحكي عالتلفون و صوتك وصلان لعند الجيران بيئولولك شو عم تحكي - لأ عم غني
بتكون عم تاكل بأمان الله و تمك معبا أكل بيمر حدا من أهلك و بيطلع هيك فيك باستغراب شو عم تاكل لأ عم اعمل رياضة
أما السؤال الأهم بيكون عندك رفئاتك بالبيت و قاعدين لحالكم و فجاة بيفتحو أهلك الباب و بلا ما يعبرو رفئاتك
قال و بنبرة بيسألو شو رفئاتك عندك - لأ قاعد مع الحيط
4- أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
5- بتكون راجع باخر الليل على البيت و اذا بتفتح الباب يطلع حدا من اهلك " شو بلاقي رجعت " ايه و الله شو بدكم تساوو الرقاصة ما رضيت تنيمني عندها اليوم كمان
بتكون طالع تسهر مع رفقاتك و عاطي خبر لاهلك انك بدك تتأخر
بأول السهرة بيرن تلفونك و اذ شي حدا من الاهل الاحباب
شو بدك تطول عم نستناك نحنا
لا والله انا ما رح طول كنت عم اضحك عليكم انو بدي اتاخر اليوم
6- بتكون صرلك زمان مو شايف واحد بيقلك شو لساتك عايش ؟؟
لا متت
7- تكون نايم وملعون سماك من التعب بيجي حدا من أهلك بيفيئك وهو عم يسئلك .. نايم!!!لاوالله عم عد خيطان وش المخدة
8- بتكون معزوم علغدا أو علعشا
و بتكون ساكب صحن و بس يخلص صحنك عم تتناوئ تشوف شو بدك تسكب بعد منها
بيئوم بيفاجئ السؤال العجيب: شو شبعت؟ ما حلّك!!!! مين ئلو نفس أو عندو الجرأة أنو يئول لا ولة ما شبعت، لسع بدي آكل
9- بتكون لابس أواعي رياضه وحامل هل طابه ونازل على الملعب في لعبة طابه مع رفقاتك .. بتنزل جنب النادي بتمشي خطوتين .. بشوفك رفيقك بكون مارق بلفه .. بيطرقك السؤال بدو حلم الله ... .. شو شريك عندك لعبة طابهلا ولله عم يصورو مسلسل الكابتن ماجد الجزء الرابع وأنا أخد دور
10- بعدين في شغله كمان أجباريه
أذا شي واحد كان ماشي وشاف رفيقو من زمان يعني من ايام المدرسه بيخرطو وحده لك فلان لعما مو معقول ... يا محمد بشرفي مشتقلك بكون معو أبنو الصغير .. بيسئلو مين هاد .. بقلو التاني ولله أبني
دغري بقرب الرجال لعند الولد الصغير بقلو شو أسمك اليوم عمو .. بقلو الولد زياد ... على السريع بيرجع الرجال بيسئلو وبيخرطو قفاله للصاجه وبقلو ومبارح عمو شو كان أسمك ...
........... يعني شو بدو يقول الولد رح يكفر على قد مارفقات أبو الظراف بيسئلو هل سؤال
11- بتكوني قاعدة بالصالون و نازلين شد بشعرك بتجي رفيقتك وبتقلك يييييي
عم تسشوري شعراتك
12- بيتصلك حدا من رفئاتك عتيلفون البيت ( الأرضي يعني) و بيسألك بكل برادة و غباء
شو وينك؟؟
13- بدو يتعرف عليها رفيقتو بالجامعه و كل يوم بيشوفها و محرقص بيروح بكل غباء (انتي معنا بالجامعه)؟؟؟؟؟
14- قاعد عم تحضر الفيلم و مدموج فيه للنخاع اجاك مدري مين قبل ما يخلص الفيلم بشوي
و بيسالك :شو قصتو هالفيلم؟و بيصير بيقلك اي اي شايفو مو هلق البطل كان عم يضرب اختو؟
مو هلق البطل هيك قللها لاخت رفيقو؟
و خود على هالزباين و سكر
15- لما بفوت عالبيت و بتقول انك جوعان امك بتسألك يعني بدك تاكل
لأ بدي صوم وحبيت اعمال إعلان إنو أنا جوعان
16- بتكون جاي عل بيت محمل.. مش مبين راسك من ورى الصناديق .. و-5 كياس بكل أيد.. وعام بطح وبتنفخ بيجي حدة من أهلك بيسألك..لازمك موساعده؟؟؟. لأ بس أنا هيك بعمل رياضة
17- لما تحط اول مشاركة بشي منتدى وبيو الشباب بيقولو الاخ جديد معنا بالمنتدى

لأ كنت متخبي وعم استنى ليفضى الموقع

ههههههههههههههه
sorry منك
بس اكيد مافي اضافة
والسبب انو الموضوع موجود قبل
والمشاركات صارت عليه ومشي الحال

عادي عادي عم بيذكرنا فيه

عندما تكون بطارية الريمونت كونترول ضعيفه ليش بنقوم بالضغط على الازرار؟
يعني بنكون عبنشحن البطاريه
ليش بنوطي صوت المسجل او الراديو بالسياره لما بندخل بطريق خطأ؟
يعني هيك بنعرف الطريق الصحيح
ليش بنقول هديه مجانيه ؟
ليش في هديه غير مجانيه
ليش لما بنشوف على الحيط كلمة احترس من الدهان ما بنصدق للنجرب؟يعني الي دهن لازم يحلف يمين
ليش لم بيتأخر المصعد بنضغط عدة مرات على الزر؟
يعني هيك بيستحي على دمه وبيجي بسرعه
ليش وانت عبتقرا الرساله عبتضحك ؟
يعني الي كتبها شايفك هلق

بس كل شي من حازم حلو