اعظم الفنانين

ليوناردو دا فنشي (بالإيطالية: Leonardo da Vinci، عاش 15 إبريل 1452 - 2 مايو 1519 م) فنان إيطالي ومن رواد عصر النهضة. اشتغل بعدد كبير من الفنون. فقد كان رساما وموسيقيا ومخترعا ومهندسا ونحّات. كان سابقا لعصره ومختلف عن أقرانه لحدا كبير فعلى رغم أنه كان مشهورا برسوماته الزيتية المبهرة كالموناليزا والعشاء الأخير فقد كان له أثر في تطّور التشريح والفلك والهندسة.

كانت اختراعات عديدة تشهد بتفوقه فى مجالات أخرى غير الرسم. وقيل عنه إن ريشته لم تكن لتعبر عما يدور بذهنه من أفكار وثابة حتى قال عنه ب. كاستيلون: «من الطريف جدا أن الرسام الأول في العالم كان يكره الفن، وقد انصرف إلى دراسة الفلسفة، ومن هذه الفلسفة تكونت لديه أغرب المفاهيم، وأحدث التصورات، ولكنه لم يعرف أن يعبر عنها في صوره ورسومه

يسلمووووووووووووووووووووووو .... .... ماهربس الصور ما عم يطلعو شو القصة

بس بدي صحح معلومة و هي أنو ليوناردو أعجب بالموناليزا كتير لهيك صار يماطل بإعطاء اللوحة و بالأخير أخدها و هرب

بالنسبة لدراسته لعلم التشريح فعلى حد معلوماتي كان ينبش القبور و يشرح الجثث و يذهب إلى المسالخ كما أن لوحة الرجل الفيتروفي قد جاءت نتيجة لدراساته هذه و فيها أظهر ليوناردو دافنشي التكامل بين الأنثى و الذكر

برافو عيكي علا تاري ثقافتي الفنية منا قليلة بالمرة............؟؟؟
ويسلمو ع تعليقك .......؟؟؟ بس في اكتر من رواية عن الموناليزا ولهلق ما عرفو اي وحدة هية الصح ......؟؟؟
وياريت تشاركي بالموضوع اكتر ..........؟؟؟؟لانو تعليقاتك مهمة .......؟؟؟

شكراً ماهر على كل حال من بعض الأخبار الطريفة التي أعرفها عن ليوناردو أنه سمع بأن الفنان مايكل آنجلو قد رسم صحن حبوب فغطت عليه العصافير لذلك طلب ليوناردو من مايكل آنجلو أن يأتي إليه لرؤية حديقته الجميلة و لكن عندما أتى مايكل أنجلو ليدخل إلى الحديقة اصطدم رأسه بالحائط فقد كانت هذه الحديقة عبارة عن لوحة خلابة رسمها ليوناردو

ما شاء الله عليكن
معلوماتكن روعة
ان شاء الله بضلو هيك
وبتطور للاحسن

و لو يا مستشار ليش مستخف فينا لنكون ما معبيين عينك إذا بدك لسا عندي كتير معلومات عن ليوناردو و غيرو من الفنانين بس رح شارك فيها بعدين

صدقيني ما قربت عياللي قلتيه
صراحة انا ماعندي ولا مجرد 1 بالمية من المعلومات الموجودة هون
وانا عم اتعلم منكن
بس ابدا ما قصدت انو معلوماتكن قليلة
مابعرف كيف قراتي هالشي
لو بدي استخف بهالامر كان المفروض فيني اني نزل ردود رديفة
على كل
عذرا على كلامي اذا كان مو بمحلو

هههههههههههههههههه..............؟؟؟
تاري ليوناردو دا فنشي منو قليل بالمرة.........؟؟؟؟

شكرا ماهر
صراحة هالمعلومات ذهلتني

ماهر لحتى تنعرض الصورة
بدك تنسخ الرابط بالامر هاد
وبتقلو نعم
فاذا هالموقع اللي مستخدمو كويس
رح تنعرض الصورة
واذا ما انعرضت الصورة
فعليك بموقع اخر

ليليليليليليليللليليلييششششششش
مشي الحال معك ماهر
مبروك
انتبهو يا جماعة
هي اول صورة لماهر بالمنتدى

لا ماهر أنا ما زعلت منك أبدا بس حبيت أتغالظ على كل حال في معلومة كنير حلوة عن ليوناردو و هي أنو كان يكنب بشكل منعكس يعني كتاباتو كان يقرأها عالمراية

اي منيح لكان
شكلو كان عم يمثل ب..... مرايا

لا خلص مو مشكلة
مرقت عادي
وشكرا عالمعلومة

يا جماعة ليش كتير مكبرينه ومعظمينه لهالرسام ما هي هو بذات نفسه قدامكن عم يحكي معكن ويشارك بالمنتدى

يا جماعة ليش كتير مكبرينه ومعظمينه لهالرسام ما هي هو بذات نفسه قدامكن عم يحكي معكن ويشارك بالمنتدى

اسمي الكامل:
ليوناردو دي سير بييرو دافنشي

اي مية هلا

إيطالي متعدد جوانب الثقافة_مسبع الكارات_عالم بيولوجي،عالم رياضيات، عالم نبات،عالم تشريح،مهندس، مخترع، رسام ،نحات، موسيقار، كاتب والأهم _بالنسبة إلي_معمار

من رواد النهضة الأوروبية _نسخةأصلية من رجالاتها_ فضولي الجامح لا يقارن إلا بقدرتي على الاختراع،أعظم الرسامين في كل مكان وزمان ، وكما يعتقد الناس لم ولن يولد شخص لديه كل ماأمتلكه من المواهب مجتمعة.



على فكرة معلمي يلي نازلة حكي علسانو ليوناردو ما كان شايف حالو لهالدرجة مشان هيك لح إبدى احكي عنه بلساني أحسن

(إن مدى وعمق اهتماماته لا سابقة لها، عقله وشخصيته فائقة للحدود البشرية، إنه لغز بحد ذاته) هكذا وصفته المؤرخة الفنية هيلين غاردنر

مع أنو ما بقي من آثار ليوناردو إلا غير15 لوحة ودفتره لساتهن لهلأ عم يدرسو هالكم شغلة يلي هنن عن حق وحقيق ثروة لكل الأجيال يلي إيجت بعده

على فكرة نحنا شو حنترك ليللي بعدنا؟ أنا بقلكن بيوت لح تنهد فوق روسهن


هالحكي بما أنو جبنا سيرة الإرث

مرخبا ليوناردو كتير على بالي أتعرف عليك شكلك يتحبو لفناننا العظيم كتير متلي لحتى استعملت اسمويا ترى أنت بترسم حلو متلو

عفوا مرحبا بالحاء

أنا بموت على ليوناردو وبحسو من أوائل الناس الناجحين بس يلي خلاني سمي حالي ليوناردو هو صفة مشتركة بيناتنا هي أنو نحنا التنين ما منقدر نركز على شغلة وداائماً ما منلحق يعني كان في نكت عن ليوناردو بتتداولها سيدات الطبقة الراقية كانت الواحدة تقلا للتانية إذا بدك تعرفي كيف كنتي قبل 50 سنة اطلبي من دافنشي أنو يرسمك لأنك ما بيعطيكي ياها إلا بعد 50 سنة ودائماً كانت تصميماته تبع أسلحة الحروب تخلص بعد ما تخلص الحرب وما يستفاد شي مشا نهيك عاش بفقر مدقع كل عمره. يعني بحاول أعطي حالي شوية أمل إني ممكن بيوم من الأيام أنجح حتى لو ما لحقت

ومشان الرسم قبل ما فوت عكلية العمارة كان رسمي ما اشبو شي بس بعد ما فتت عالكلية ما بعرف شو صرلي انتكست وصرت كأني ما مسكت ريشة أو قلم بحياتي

بس على فكرة ليوناردو صمم أسلحة كتير فعالة للدفاع عن إحدى المدن و حط خطة دفاعية قوية بس الأسلحة ما استخدمت و الخطة ما نفذت لأنو الأعداء ما هجموا على هالمدينة مو لأنو ما لحق تصميم الأسلحة كمان ليوناردو ماطل بلوحة الموناليزا لأنو حس بشعور الحب اتجاها مو لأنو بطيء أو ما بركز على كل حال لو كان ما بركز ما كان حسن يبتكر اختراعاتو العظيمة أنا هيك بعرف من بعض المصادر عن حياة هالفنان بس كمان بالنسبة للعمارة بتوقع ما في حدا بيحسن يلحق الشغل عنا على أكمل وجه الحمد الله عنا مجازر بالشغل

أكتر من مرة صمم أجهزة حربية متل ما بتذكر 3 مرات مرة واحدة بس الأعداء ما هجمو وصح هو ماطل بالجيوكاندا لأنو حبها بس في كتير لوحات طول فيها
وأنا ما عم قلل من قيمة ليوناردو أبداً بالعكس على كتر ما كان عنده مواهب ما كان يقدر يركز على شغلة واحدة فقط كان دائماً لازم يكون عم يفكر بأكتر من شغلة واحدة
مثلاً إذا كان عم يرسم بيكون عم يفكر بالرسمة يلي عم يرسمها وبرسمة تانية وعم يفكر بالآلة يلي بدو يصممها وبانظرية الفلسفية يلي بدو يكتبها كلو هادا بنفس الوقت وإذا خطرت على بالو فكرة دغري بيترك حتى لو كانت الرسمة مو خالصة وبيشتغل بالشي يلي خطر على باله مشان هيك كان إنتاجه بطيء و مشان هيك كانو الناس يخافو يوصو على شي رسمة أو شي منحوتة لأنو بيعرفو أنو ما لح تصلن بنفس الوقت يلي حيجبلن ياها في مايكل أنجلو مشان هيك كان مايكل أنجلو أغنى من ليوناردو مع أنو أنجلو موهبته فنية على الأغلب مو متل ليوناردو المتعدد المواهب ورسم ليوناردو أحلى بكتير من رسم أنجلو _والاتنين عباقرة فن_ بتمنى هلق تكونو فهمتو شو قصدي