شو انجازاتك بالعام الماضي ؟؟؟؟؟؟؟؟

فكر معي للحظه

ماذا عملت في عام 2008؟؟
ما هو الانجاز الذي حققته
لنفسك او غيركـ ؟؟
ما ميز عامك الماضي عن غيره
من الاعوامـ ؟؟
هل حققت شي خلال 365 يوم او
سنه عادية مرت بدون اي شي يذكر؟؟

كل هذه الاسئله دارت برأسي
وبكل امانه وصدق جلست افكر بيني وبين نفسي
لقيت اني للاسف ماحققت اي شي
يذكر او اي شي يحسب
لصالحي
.سنه مرت من عمري بلا اي
انجاز
الشي الجديد قد يكون نجاحي
في انشاء منتدى متواضع للعمارة عنا بالكلية الي اسى بدو شغل كتير لحتى يصير اولو ترتيب بين المواقع التانية.

اما على الصعيد الشخصي ليكني اساتني بالسنة التانية شو مستعجل لحتى صير بالسنة الخامسة.

مابعرف ليش يمكن لاني كليتنا كتير بعيدة عن واقعنا.

يمكن .............

يمكن....................


هل حققت شيئ؟؟

وإذا لم تحقق في هذا العام
الذي يركب قطار اللاعودة
ماهي خططك لتغيير في العام
القادم؟؟؟.......................

WASEEM.M

و ولا ما بعرف لأنك يأستني

أنا بدي هنيك على جهودك الجبارة بالمنتدي وللي برأيك إنو كانت متواضعة ؛ بس بكفي إنو عادت بالفائدة على الجميع
أما
بالنسبة إلي فأنا لم أحقق أي شيء يذكر في بداية عام 2008 أما في نهايتوه
فقد عملت واشتغلت على حالي كتير بس المصية إنو الفائدة عادت علي فقط وليس
على الآخرين أيضاً كما فعلت أنت لهيك أنا برأيي إنو إنجازك للمنتدى راح
يضل بصمة إلك في كل السنين لأنو كان هدفه الفائدة للجميع وموفق في دراستك
أما
بالنسبة للصعيد الشخصي فأنا تعلمت كتير من غربتي وابتعادي عن أهلي وكان
هاد الشي إلو كتير تأثير بحياتي لأني كتير حاولت غير من حالي مشان اتلائم
مع الوضع الجديد ومن وقتها حسيت بفضل أهلي علي وحاجتي إلون للي ما كنت
حاسستها بالمقدار نفسو

أجمل انجاز بهالسنه اني تعرفت عليكون شلة جبله وحضرتك وسيم ونائبك كمان انتو كتير رائعين وبتحدث عن صداقتكم كانجاز بجد وانت حققت للكل بيت مفتوح دافي ومميز هوي المنتدى -كل الشكر الك وسيم قربت كل واحد فينا من ناس ماكان بيتخيل ممكن يكون معون بهالكم الكبير من الوقت


هالمنتدى خلانا احنا طلاب العماره نحس بمشاكل غيرنا ونتفهما كونا بنفس الكلية اللي بالفعل مميزه

مع كل التقدير لك سيادة المدير

ولك دخيل التواضع يا ادمين وسيم ....اااه ....دخيل التواضع ....وبهنيك على كل شي ..."لا تواخذني ....ما رح بلش بعددون ..."؟
لاني ما رح لحق عد هالانجازات ونشكرك عليون ....بس واصلة اخوي ...واصلة ...وخاصة الكرت بلانش ....ما هيك
على كل حال ....انا بالنسبة الي حققت الشي الكبير والكتير ...يمكن بدا صفحة المنتدى تلغي لي الرد اذا حاولت اكتبون كلون .." بتطلعلي رسالة لقد تجاوزت الحد المسموح به من الكلمات " ...؟؟؟؟ اول شي اتخرجت من الكلية متل ما بدي ...او متل ما كنت مفكر .... ادخلنا بعالم العمل على التمام ....نفذت اللي براسي الى حد كبير ..." ما في داعي لذكرون " ..؟؟ تعرفت على هالموقع ..وعلى روادوا الاعزاء ....وبفتكر السنة الاخيرة بالكلية بدها تكون احلى سنة بالنسبة للكل ...على ما اعتقد ...ولسا في كم حلم ..." من اصل شي مليون " ان شاء الله بحققون هالسنة هيي ....وان شاء الله الي ولغيري ...بتكون السنة الجديدة احلى ...؟؟

اما انا
بالنسبة الي بعد ماكان رسوبي كتير بوجع
بس ما اظهرت لحدا هالشي
كان اكبر انجاز الي انو حولت هالرسوب نفسو لانجاز
هيك بعتبرو
والانجاز التاني اني اتعرفت على مجموعة من المستجدين اللي كتير حبيتهن بجد
وكتير رائعين
وبتوقع انو يكون الهن اسم بالعمارة
وطبعا اللي سبقوني بالرد عبرو عن رايي الجميع بشكرهن الحلو لوسيم
وانا بشكرك وسيم
المنتدى عنجد انجاز حلو
وعقبال ما تاسس موقع على النترنت خاص بشركتك
ولجميع الطلاب بالعمارة وغيرها
الله يوفقهم اجمعين
واليكم مني السلام