عناصر الاتصال الشاقولية

نظراً لكثرة الاسئلة و التساؤلات و الغموض حبيت نحكي عنها و كالعادة حبة حبة مشان اتاكد انو عمتقرو و اتابعو

قبل ما نبلش جد بالموضوع لازم نعرف شو هي عناصر الاتصال الشاقولي

عناصر الاتصال الرأسى
أ‌- المنحدرات ( ramps)
ب‌- الأدراج :-
1) ادراج المداخل 2)ادراج الشرف
3)ادراج الخدمة والهروب 4)الادراج المتكررة
5- الادراج الخارجية (ضمن الموقع العام)
ج- المصاعد :-
1) مصاعد ركاب عادية
2) مصاعد بضاعة
3) مصاعد معوقين
د- الادراج والمنحدرات المتحركة

فكرة عن الفقرة السابقة بالصور

الادراج:




المنحدرات



المصاعد




الادراج المتحركة

بتوقع بداية كتير سهلة
لما تكونوا جاهزين منباشر

ما في حدا بيفرض عليكي شي
بتوقع لبعدو شوي
ما عندي صورة تانية الو بس فيكي تشوفي بالواقع
هاد بمدخل المشفى الوطني


و رح نحكي عالمنحدرات اكتر بوقتها

هلا رح نعرف عناصر الاتصال الشاقولي

عناصر الاتصال الراسى :
هى وسيلة الاتصال بين الادوار وبعضها وهى تسهل الحركة للافراد

يعني بلش المعمار او الانسان يحتاجلها ليحل مشكلة الانتقال بفروق المناسيب و كانت الحل اللي ساهم بالمقدرة على انتشار الابنية ذات الطوابق او الانتشار الشاقولي للابنية


يعني اتخيلو مثلاً كنا قدرنا نتوصل لابنية ذات طوابق متكررة و منتسلق عليها من برا

علماً انو في مدن تقليدية باليمن اتوقع شيبام منها تستخدم اسلوب اشبه بالسلة و الحبل للانتقال بين الطوابق على حد علمي

انسة سؤال في مجلات معمارية ؟ من وين منجيبن

متل شو ديانا؟

انا ما عندي خبرة بها الموضوع حتى ما بعرف شو في اساء مجلات اكيد انت بتعرفي لو كانت بالانكليزي معلش
الغاية اطلع على اخر التطورات

هلا صعب تلاقي المجلات المعماريةة بمكتبة وحدة هون
و ممكن تعملي اشتراكات
اذا معك مصاري منيح
خبيهم لمعرض بيلدكس
هنيك في كتب محزة جد و بتجنن بس بالانكليزي
و ما تتوقعي يكون في واحد باقل من شي 2000 ل س

غير معارض الكتب اللي بتم بالجامعة ممكن تلاقي فيها شي

في من المجلات اللي بعرفا:
الهندسة

اابداعات الهندسية

لمسات في الديكور

المهندس العربي

بحاول اتزكر اسماء لسا

عكلن بقسم صيد المواقع
انا منزلة روايط لمجلات معمارية بتوقع

شكرا انسة
موضوع جدير بالاهتمام
بس وين الشعب
غير رزان وديانا

بيضل نايم

صم بكم عميان هههههههههه

شو نايم ما نايم ليكيني جيت وفي بعدي كتير إن شاء الله بس تضل أناملك هالحلوة عم تنزل هيك مواضيع عنجد شكراً وبدي اشكرك لبكرة إذا بدك بس في شغلة بدنا إياكي وإذا ما في غلبة تجيبي صورة لمسقط الدرج الدائري بأنواعه للي مرتكز على نواة وللي على جدار وإذا في غيرو أنواع قوليلنا وطبعاً مع المسقط منظور وواجهة لأنو أنا وللأسف ما كتير فهمت من وين بيتم سحب الدرجات يعني وخصوصاً بالنسبة للدرجة الأولى صراحة نحنه تخربطنا بين المعيدات للي عم تحكي كل وحدة شكل

ههههههههههه


حبة حبة


معكم من هون للفصل التاني

و ما بدي حط كل شي

بدي بالاول تئلفوا الموضوع و ما تحطوا عليه عالعقد

ليك بلشنا عالخفيف

و ما تستعجلوا

مستحيل تفهم كل شي مرة وحدة

اي صح انسة
متل ما بقول عادل امام
حبة حبة يا علام
اما بالنسبة للدرج الدائري
فليش عاطينو كل هالعظمة ما بعرف
والله كتير سهل

اي و انا كمان ما بعرف ليش بتكرهو الطلاب

جد مو لاني انسة من قت ما اخدتو هيك رئيي

و مع ذلك رح نشرحو

اوكي رح نبدا بالحكي عن المنحدرات

بس المهم لا تنسوا
اللي رح اكتبوا مانو قران منزل
محرد موجه
و انا كمان بدي اتعلم منكم
ففينكم تعلقوا دائمة باضافة او نقد

المنحدرات مفردة ابسط من انو تعرف بس رح حاول عرفكلم هية

المنحدرات لغة جمع منحدر تحود لكلمة حدر و رح اتركلكم البحث عنها بالمعجم و مستناية الرد
اما هندسياً فهي عبار عن سطح مستوي مائل يصل بين مستويين افقيين احدهما أخفض من الاخر

اين تستخدم المنحدرات و لماذا؟
ما هي مزايا و عيوب المنحدرات؟

والله مشكورة يا انسة
المنحدرات
استخدامها بتصوري
عند مداخل الكراجات للسيارت
عند مداخل المشافي لعربات الاسعاف
عند مداخل البنايات للمعاقين
وطبعا متل ما كان هديك السنة عند مداخل رياض الاطفال
و . و . و . الى ما هنالك

هههههههههههههههههه

ليش ماهر ماسك كلمة مدخل و جارر ما ممكن تكون بغير مدخل؟

من مزايا المنحدرات :
.تساعد حامل الامتعة فى المطارات ومحطات القطار
.كذلك تساعد المعاقين وكبارالسن على الحركة


ومن عيوبها :-
تستهلك مساحات كبيرة فى المبانى!
خطورة الحركة عليها فى الاجواء الممطرة وفى حاله بلل سطحه!

لك غيب سنين و ايام ما حدا بيخطرلوا يضيف معلومة

طيب يا انسة
انا حطيت
وحاولت
فمابعرف بدك ياني حاول لسا

طيب
ممكن نحط الرامبات ايضا بالمعارض
بتعمل شي من الانسابية لاتحرك ضمن المعرض
طبعا بشرط يكون مدروس كنسبة ارتفاع
ومايعيق الناظرين

تستخدم المنحدرات فى المستشفيات لسهولة حركة المرضى على كراسى متحركة أو على الاسرة النقالة

وتتواجد فى المطارات لسهولة حركة الطائرات وعربات الامتعة

و في الفنادق لنفس السبب

وكذلك تستخدم فى الملاعب والاستادات الكبيرة
واايضا يوجد منها نوع خاص بالمعاقين وهو يسهل الحركة عليه ان كان نسبة الارتفاع المساحة المنحدر ( 1 : 12 ) واقصى ارتفاع للمنحدر الافقى يكون 76.

وبالاضافة لمنحدرات السيارات خاصة في حال الكراجات الطابقية او في الاقبية

ليش تستخدم في اللاعب ؟؟؟

للتفريغ السريع للجماهير بعد انتهاء المبارات و لحالات الهروب و الطوارئ

رح نبلش نحكي باهم نوع و هو اللي خاص بالمعاقين او المستخدم في المشافي او الاحتياجات الخاصة


بقصد رح احكي لحالي

تعتبر هذه المنحدرات من الحلول الاكثر الفة للمعاقين
هاد النوع يشترط فيه نسبة ميل لا تزيد عن 1-12
اي كل 12 م مسافة تعادل 1 م ارتفاع

و لا يستخدم هذا النوع ابداً عند زيادة الارتفاع عن 76 سم او 30 انش
بسبب المسافة الكبيرة اللازمة و الكلفة الكبيرة المرافقة و الحاجة للصيانة المتكررة و المظهر السلبي لها الذي يؤثر على مدخل البيت

كتير منكم رح يتسائل طب اذا زادت عن هيك كيف بدنا نعمل
منحبسو للمعاق بالبيت


اكيد لا
في حلول تانية منها المصاعد اللاافعة الخاصة او ما يسمى lift




او بحلول تصميمية اخرى من اصل الموقع بامالة الارض بشكل تدريجي بنسبة ميل مرريحة للمشاة و المعاقين معاً 1-20
و كثيراً ما نستخدم معها دعائم و بروزات صغيرة حسب تصميم الموقع تمنع تدحرج كرسي المعاق نحو اخطار موجودة كشارع متلاً


و هناك الكثير من الحلول التقنية الحديثة التي لا يمكن حصرها و سنتكلم عن بعضها لاحقاً

مشكورة جدا انسة عالمعلومات
والله كتير مهمة
ورح اطلب من وسيم انو يحط الموضوع بواجهة المنتدى
مشكككككككككككككككككككككككوووووووووووووووووووووووووورة انسة

العفو


كل اللي بتمناه انو جد تستفيدو

الشغلات التقنية هي بعيدة عن اختصاصنا كمعماريين و ما بتكون من اصل التصميم المعماري لهيك ما كتير رح نعلق عليها بحب ازكر مثال بس

و هو الرامب رول

و هي نوع من الرامبات النقالة بتمتاز بوزنها الخفيف , سعرها القليل بالمقارنة مع مصاعد المعاقين و يمكن استخدامها مزدوجة للسيارات -سهولة تخزينها بعد لفها

ما كنت متصورة إنو يكون في هيك شي ؛ شكراً للتنويه آنسة سماح

عفواً

بس ما معناها تستخدموها بمشاريعكم
دائما في جيد و في اجود

و الاجود انو من الاساس نكون حاسبين حساب المعاق

الاشكال الأساسية لهذه الرمبات (المعاقين )



و هاد ما بيعني انو ما في غير هالاشكال بس هدون الاساس و الاشكال الباقي بتطلع عنون

يعني متلا مكن تقولو رامب بشكل حرف v
بس هو عملياً متتالي متعاكس مائل بزاوية

مابتعتدقي يا انسة انو كل واحد مشكلة بحد ذاتو
الا طبعا اول واحد
وبالذات حرف L
والمتعاكس

شو المشكلة ماهر ما فهمت؟

انسة حاسس انو ولا واحد فيهن
في انسيابية او انو مريح بالحركة
وخصوصا المتعاكس

هههههههه

للضرورة احكام
و طالما محقق النورم بالابعاد فالحركة ممكنة و المتعاكس تماماً متل الدرج بشاحطين

يعني الخاية اختصار المسافة امام المدخل
متل ما صار معكم صارت مساقطكم الها دنب

ليش دني يا انسة
انا عملت الرامب بطول 1.20
وكان صحيح معي

انا حكيت بشكل عاااااااااااااااام

عوجة

ملاحظة (1):
المنحدرات الخاصة بالمعاقين في مداخل الأبنية السكنية الخاصة من المفضل ان تكون انشاء مؤقت و ليس ثابت اي من الاخشاب مثلاً و ليش البيتون المصبوب في المكان ......
وذلك ان بعض انواع الاعاقات تكون مؤقتة (كسر في الحوض و يتماثل صاحبه للشفاء)او قد تنتقل العائلة الى بيت اخر فتنقل الرامب معها لمدخل البيت الجديل بعد تعديل خفيف او حتى بعد وفاة المعاق .

ملاحظة 2 :
ان نسبة الميل العظوى لنحدرات المعاقين 1-12 و لكن هذا في الحالات الاضطرارية و غالباً ما تسبب التعب للمعاق خاصة اذا كانت طويلة و مستمرة لذا يفضل ان لا تتجاوز النسبة عن 1-16 و التي تعتبر النسبة المثلى و الاكثر سلامة و راحة.

حلو كتير يا انسة
طيب احكيلنا بخصوصيات هلاء
يعني
لو كلن مدخل البيت 5 درجات فرضا شو بصير
منطول الرامب

هههههههههه

كنت جاية اكتب

شكلك مستعجل