ما رأيك بالسفر

أنا هلء عالطريق الشام قام خطر ببالي اسأل سوال عنجد شو رأيكون بالسفر هلئ روحة عالشام يعني ما بتنحسب سفرة بس يعني حبيت اسأل هالسؤال

حلو السفر
بس مو بهالطقس
ومو بهالوقت
نبسط ....... و.... انسى
الله معك

مبلى حلو السفر ايمت ماكان
المهم انو الواحد يسافر و يكب كل شي ورا ضهرو

أيامك يا وسيم


السفر كتييييير حلو وين ما كان يكون
عن جد بترتاح و بتنبسط و بينضاف شي الك بنفس الوقت

تروح و ترجع بالسلامة

انا بموت بالسفلر و بعشقو من فيل ما ادخل عمارة
و هلااااااااااااااااا
اضعاف اضعاف

الله لا يموتني قبل ما زور كل انحاء العالم

تسلميلي رزان

السفر لازم يكون بالنسبة للمعماري من الاولويات

اي اكيد

والله ما في أحلى من السفر ...
" أنا بدي بلش بايطاليا بس " .... و على قولة الإمام الشافعي :

ما في المُقام لذي عقل وذي أدب *** من راحة فدع الأوطان واغترب
سافر تجد عوضا عمن تفارقـــه *** وانصب فإن لذيذ العيش في النصب
مــا في المقام لذي لب وذي أدب *** معزة فاترك الأوطـــان واغترب
إني رأيت وقوف المــاء يفسـده *** إن ساح طاب وإن لم يجر لم يطب
والبدر لولا أفول منه مــا نظرت *** إليـــه في كل حين عين مرتقب
والشمس لو وقفت في الفلك دائمة *** لملّها الناس من عجم ومن عرب
والأسد لولا فراق الغاب ما قنصت *** والسهم لولا فراق القوس لم يصب
والتبر كالتبر ملقى في معادنـــه *** والعود في أرضه نوع من الحطب
فإن تغرب هـذا عز مطلبـــه *** وإن أقـــام فلا يعلو إلى الرتب

اي بتجنن ايطاليا اختيار ذهبي

السفر حلو بس ما يزيد عن حدو

والله يا وسيم بدك بوسة من بين عيونك ع هالفكرة الحوة
واجت ميس كحلتها بهالابيات الحلوين
كان الامام الشافعي في احدى سفراته بين بلاد الاسلام لطلب العلم طبعا
فالتقى بعالم كان هو واياه على خلاف بقضية ما من الدين
فقال الشافعي لذاك العالم :الا نستطيع ان نختلف ونظل على حوار ولقاء
فيقول العالم للامام الشافعي :والله يا امام ان معك نصف عقل اهل الدنيا
بجوز تقولو انو القصة خارجة عن الموضوع
بس هيي من صلبو
1- سفر الامام لطلب العلم
2-والتقاءو بعلماء وناس عبر الوطن العربي
3-والحوار والتفاعل
كلهاد من فوائد السفر اللي اكتر من انها تنذكر
اما القصة بمضمونها الاساسي واللي هوي قبول الاخر
فهي من اجمل القصص اللتي يمكن ان تحكى عن الحوار بالاسلام
وبتمنى من كل واحد منكم مؤمن بالله جل وعلا انو ينشر هالقصة ضمن المنتديات اللي هوي مشارك فيها
ويبعتها عبر ايميلو للاشخاص الاجانب واللي حصل على ايميلهن عبر الانترنت
بعد ما يترجمها طبعا
وانا اسف ازا اطلت عليكن بس بحب اني اعطي للناس كلشي بعرفو
وبرجع بكرر اعتذاري