هل يبكي الرجال؟؟؟؟؟؟؟؟

هل يبكي الرجال ؟؟؟؟؟؟

سؤال احب ان اطرحه عليكم
هل يبكي الرجال ؟؟؟؟؟؟
من المؤكد ان للرجال مشاعر واحاسيس ولكنهم معروفين بقوة تحملهم ولهذا قد نجد بعض الرجال يكابرون فلا يسلمون بضرورة البكاء ظنا منهم ان هذا يعتبر ضعف ........
إن البكاء من الحين للأخر مفيد جدا لانه يخفف من الضغوط والهموم التي نشعر بها.
لهذا أوجه سؤالي إلى الرجال
هل تبكون ؟؟؟؟؟؟؟؟؟
هل تعتبرون البكاء ضعف ؟؟؟؟؟
هل من الصعب عليكم البكاء امام الفتيات ؟؟؟؟؟
هل يصعب عليكم ان تظهروا دموعكم أمامهن ؟؟؟؟؟؟
سؤال للفتيات
ما هو شعوركم إن رأيتم رجلا يبكي؟؟
هل ستعتبرون ذلك ضعف؟؟؟؟؟
أم أن للرجل الحق في البكاء؟؟؟؟؟؟
أتحفوني بآرائكم

أنا بنت بس بعرف إنو الجواب على كل هالأسئلة هو نعم

هل يبكي الرجال ؟؟؟؟؟؟
طبعا
واكيد
بس نادرا
وهيدا ابدا لانو عيب ولا ضعف بالشخصية
هو صحي بيتحملو اكتر بس بالنهاية ما بيبكو الا اذا وصلوا ل قمة القهر وطبعا بيكون بوقتا البكي طالع من جوا القلب (( بيوصل لمرحلة اذا ما ذرف الدموع بينفجر متل القنبلة )) يعني بفش الخلق والهم وهيك اكيد افضل ( بس لما بيبكو ما بيخلوا الانس يشوفهن ))
مو متلنا عالطاعة والنازلة بنبكي و ما بنقدر نسيطر ع دموعنا
و ك ذ ا ب اللي بيقول ان بعمرو ما بكي

وهلئ اجا دورك بدنا رايك ؟؟؟؟؟

بالنسبة للرجال) انا براي انو البكاء ضروري ومفيد بس مو امام الناس ومو عالطالعه والنازله يبكو
اما بالنسبة للبنات فالبكاء هو دليل رقة ورهافت احاسيس بس كمان مو عالطالة والنزلة تيكي
اما من ناحيتي انا فما فيني ابكي لا قدام الناس ولا غيرهم

مابعرف ليش هاد واحد من المواضيع الشعبية بأغلب المنتديات!!..
مرة مريت ع موضوع كان محدد أكتر..وعنوانه "ما رأيكم في الرجل الذي يبكي من أجل الحب"
هلأ وسيم حكي عن البكي بشكل عام..
مابعرف ليش الرجال عن\ن حساسية من موضوع البكي!!
هلأ انا كبنت اكيد مابشوف انو من البكي عند اي مشكلة او أزمة هو شي رجولي..بس بنفس الوقت الرجال بشر متلنا متلن..وطبيعي يبكو لما بينخنقو كتير او بينضغطو ..لأنو بالنهاية البكي هو طريقة للواحد يخفف عن حاله..متله متل التعصيب او العيطة او اذا الواحد عنيف شوي ممكن يفضي عصبيته و يكسر شي شغلة..او حتى يئذي حاله..
فيبكي برأيي احسن من الشغلات التانية..

فاذا شفت رجال عم يبكي!!
طب مين هاد الرجال اللي عم يبكي و وين بدي شوفه؟؟
اكيد مو قصدك رجال بالطريق او بمحل عام..لانو مابعرف..الوضع كتير بيصير مختلف..
اما إذا قصدت انو الوحدة تشوف حبيبها عم يبكي..فبرايي انو هيدي حالة كتير رومانس بين الاتنين و كتير خاصة و حلوة..مو من مبدأ انو الوحدة تتلذذ لأنو شايفة واحد ضعيف قدامها..بس لأنو هو حبيبها..ولما حس بالضعف اجى لعندها..وبكي قدامها..لانه هيي بس فينها تستوعبه و تقويه و ماتحسسه انه بكيه ضعف..
واكيد مارح شوفه بهيدي الحالة ضعيف..هي لحظة ضعف..و مافي انسان مابيضعف...يعني مجرد موقف وخلص..مو رح غير نظرتي الو واعتبره انسان ضعيف
واكيد بالنهاية اي انسان حقه يبكي..سواء رجل او بنت كبير وبغض النظر عن عمره..

اصلا انا مافي داعي اشرح موقفي من موضوع البكي..

اي استاذ محمد..يعني كان في قدامك فرصة تفاجئني فيها وتطلع مانك مكرر!!
يعني انا وعم اكتب ردي و بلا آخر جملة كنت بعرف انك بدك تتحفني برد متل هاد..أصلا آخر جملة(تبع موقفي) حطيتها قصدا لشوف ذكاءك..اتاريك ياخسارة!!..مالقطتها ورحط لازق رد فورا..ما قدرت يمكن تستحمل ما تحطه!!..

اسفي عليك !!..كنت مفكرتك اذكى

وبعدين شو اللي قاهرك؟؟..بس لأنك اذا بكيت بينقال ولي عليه شو نعنوع واذا نحنا البنات بكينا بيقولي يا الله شو انن حساسين؟؟

اقعد عاقل

لا والله أني يا خسارة عليكي ما لقطيها ..

القصة انك كاتبة جريدة الله يعطيكي العافية ..
وأنا ما بحب اقرأ كتيير ..
لهيك نطيت لآخر الرد ... فـ شفت هالحكي ..
هي كان ملازم تفوتك انسة يارا ...

اي حاجتك..
بدك تعدل الموقف ؟؟
كان غيرك اشطر..

والحقيقة اقتنعت انك مابتقرا ردود طويلة!!..خصوصا هالموضوع..انا متأكدة انو ولا شب رح يقرا رأي البنات بالموضوع..


فوت نام
اتاخرت كتير بالسهرة

ليش
شو عرفك يا يارا
انا قرات كل شي مكتوب
وتحديدا مشان تنبسطي كتابتك
والي نفس تعليق محمد --بصراحة يعني--
اما لبكاء الرجل
فهوي متل ماعبر معظم المشاركين
هوي امر عادي جدا جدا
انا عن نفسي ببكي
الامر جدا طبيعي
وبصراحة اكتر
اي صعب ابكي قدام حدا غريب مو شرط بنت
مو غرور لا
بس الامر مو بايدي
هاد شعور داخلي
هي اسئلة الشباب جاوبت عليهن
بس بدي قول شغلة
انا ماببكي لحب و عشق وهيك امور--بتصوري سخيفة والسبب: البكاء فيها ضعف
وانا ماني ضعيف
وقت ببكي
ببكي ع شي روحاني
وهاد الشي مابصير معي الا بمعظم الاحيان بكون لوحدي
وهاد سبب تاني بيمنعني ابكي امام حدا
وعذرا عالطولة

أبدا ما عيب الرجل يبكي ... بس العيب شغلتين " من وجهة نظري " :

أولاً : أنو يبكي على أي شي ...
تانياً : أنو يبكي قدام حدا غير اتنين بس " أمه وزوجته "

على كل الأحوال أنا بشوف أنو حتى البنت ما لازم تبكي بهالأحوال .

والحقيقة اقتنعت انك مابتقرا ردود طويلة!!..خصوصا هالموضوع..انا متأكدة انو ولا شب رح يقرا رأي البنات بالموضوع..

هلأ ماهر مو مبين اني عم امزح؟؟
لو كان الموضوع بالعكس اكيد بيهمني اعرف رأي الشباب..
انا عم قلله لمحمد اني "كتير صدقته"


و على فكرة كمان..تلات ارباع البنات بالكلية بكيانيين اكتر من مرة..بس مابعرف ليش ما اخدتوها الا عليي انا!!

ويوم المرسم (وماهر ماكنت موجود اصلا لحتى تعلق نفس تعليق محمد)مابكيت منشان المرسم..
و وسيم من غير ما قلله استنتج لحاله انو كان في اسباب تانية..


اما منشان البكي بخصوص حالة حب..انا ماكن ردي بينحصر بهيك قصة..
انا قلت انو عادي الواحد يبكي قدام حبيبته "زوجته"بس مو لأنه عم يعاني بسبب حالة حب..

و عموما حتى لو كان عم يبكي منشان شي عاطفي..فانا ما بشوف انو الموضوع سخيف..وعاطفة الرجل مانها شي عيب او نقطة ضعف فيه..

انا ما علقت عالمرسم
بقدر ما علقت ع اخر جملة
متل ما قال محمد
حكيتي كتير وبعدين قلتي هالجملة
اي هيي لحالها بتكفي
بس خلص ماترميني بسهامك بالرد الجاية فهمت شو القصة
اما مشان الحب وهالسخااااااااافة
اللي حكيت عنها
انا ماقربت ابدا ع عاطفة الرجل
واصلا مافيني احكي عنها لاني انا جدا عاطفي
بس مو ....
يفهمها كل واحد ع كيفو
اما الحب
ف هاد شي اخر
وماتفكري اني انا ضدو
انا ضد سخافات الحب
والبكاء احدها
وطبعا بهالعصر هيي بنظري كترانة كتير

ولله ... سكلك يا ماهر بعمرك ما حبيت....
وع كل الرجال كتير عادي انو يبكي ....
اذا التماسيح بتبكي..... شو خليتو للانسان اللي الله خلقلو مشاعر واحاسيس.....

والله يا ماهر انا عشت فترة حب اطول من اللي عشتها ب شي 5 سنين
بس ما بكيت مشان هيك شي
وطبعا انتهى كل شي
وانسيت الموضوع
بس الشغلة هنا تكمن بالقلب
مو ضروري لا هيي ولا غيرها يشوفني عم ابكي
المهم قلبي انا شو
وطبعا متل ما قلت
انتهى كل شي
حتى بكاء القلب وقف
واعذروني ما فيني احكي اكتر

وهو الحب مو جزء من عاطفة الرجل؟

وبرأيي مو سخيف واحد يبكي مشان الحب..الا اذا كان بيعتبر الحب نفسه سخافة

ا نا برأيي انو البكي شي عادي للشب و البنت
و مو موقف ضعف بنوب

وبظن انو اي شخص بيمر بمرحلة بحياتو بيكون متدايق كتير و البكي بيريح

و انا لحد هلا ما عم افهم وين الانتقاص من رجولة الشب اذا بكي

ما هوه شي طبي و صحي قبل ما يكون شي معنوي

وما بحس في مشكلة اذا الشب بكي او البنت
بس بشرط يكون لسبب بيستاهل مو لاي شي متل ما انحكى
وبحس انا اانو البكي بيريح كتير

لما الشخ بيكون متدايق و مضغوط و بيريح نفسو