علامات المواد

باعتبار ماحدا لحدا بهالكلية..
وماحدا بخبر حدا عن شي..
في مجال للي بينزل عالكلية أو بيسمع ان نزلت شي مادة
يخبرنا عن طريق المنتدى
بس ان نزلت المادة الفلانية

بدل ما كل العالم تنزل عالفاضي..
رجاء..

بس اسم المادة للي نزلت..وعلينا الباقي
نحن ساعتها مننزل ومنشوفها

أكيد الكل موافق ما ؟!!!

اي ليش لاء
كمان فكرة معقولة

فكرة كتير حلوة خاصة للطلاب اللي من برا اللاذقية متلي مثلا

اي وانا موافقة وبعرف انه نزل للسنة الاولى خمس مواد والحمد الله نجحت بالتصميم
ونزل للتانية سبع مواد
واذا نزل شي جديد بخبركن

اليوم نزل تصميم
لاند سكيب
نظريات تخطيط
للسنة الثالثة

والله يوفق الجميع

السنة الثانية صار نازلها المواد التانية
تصميم
حساب انشاءات (1)
(الرسم بمعونة الحاسب فزلكة طبعا )اسمو اوتوكاد
انكليزي 4
انكليزي 3
ورش ونماذج
ومساحة
نظريات عمارة (1)
لسا باقي على حد علمي 3 مواد بس ينزلو واسمع فيهن طبعا مارح اقدر خبركن انا فيهن لانو رح كون بالمعسكر
ادعولي



سلاااااااااااااااااااااااااااااااااااااااااااااااااام

مشكورين عالموضوع بس حدا بيعرف اذا نزلت العربي والانكليزي 1 للسنة الاولى
وشو عن مواد السنة التانية يلي بقيت ايمتا بتنزل اذا حدا عرف يخبرنا فورا اذا بتريدو ومشكورين مرة تانية

اي نزل ك بس العربي لسا ما سمعت انو نزل للسنة الاولى طبعا

انا بعرف انو نزل للسنة الاولى تصميم
تاريخ
ك
ثقافة
رسم
ومهارات حاسوبية

مشكورين كتير .. بالفعل فكرة عمليّة
بس تستمرو السنين القادمة انشاء الله ؟؟

اهلا وسهلا بالكل
مبسوطة ان عجبتكن الفكرة..
وان في مين رد عالموضوع

وانشالله بتستمر
والله يوفق الجميع بموادن

ديما انا بعرف انو نزل ك 2 بس ك 1 والله ما بعرف والعربي كمان مابعرف ايمت بينزل
بس نحنا نزلنا اربع مواد الاحد الماضي بعتقد لازم ينزل البقية هالاحد او اذا ما الاحد بهالاسبوع نشالله

والله يا ديما ماسمعت شي لسا
بعدين انت اللي لازم تخبريني لانو انت من اللادقية وانا من طرطوس
ههههه

مابعرف ليش ما طلع اللي بعتو من شوي
لحعيدو
والله يا ديما ما سمعت شي
بس انت اللي لازم تخبريني اذا طلع شي لانو انت باللادقية وانا بطرطوس
وعلى كل حال انا نشالله بس اسمع شي لحخبركون

فكر كتير حلوة عرض العلامات مشكور
وياريت بس حدا يعرف بيقية المواد (عربي ظل ومنظور وصفية )
ينزلنا ياهون وشكرا مرة تانية

شكرا نبراس
جهودك مارح ننسالك اياها
طبعا انت واحد من عائلة الموقع
بس غبت عنو فترة وهاي رجعت تشرفنا بحضورك

شكرا للجميع عالتفاعل
واتمنى والله ومن كل قلبي التوفيق لجميع الطلاب
سلام

مسا الخير يا جماعة
شو الأخبار..
والله تخنت
حلن يخلصو بقى
شو عم يطبخون!!!

ما نزللنا شي؟؟؟

بالنسبة للسنة التالتة يا سنا
انا بعرف انو موادهن بتنزل يوم التلاتا
عملا باحد الاقتراحات لاحد الاشخاص عنا بالكلية
انو مقسمين ايام الاسبوع على السنوات كل يوم لسنة
بمعنى الاحد للاولى والتنين للتانية وهكذا
فبركي بكرا ان شاء الله بتنزلكن علامات

الى من يهمه الأمر نزل للسنة الأولى
وصفية
ظل ومنظور
عربي

كتير حلوة فكرة هالموضوع بس ياريت اللي بشوف اي شي بخص التخرج والمعدلات النهائية
وحتى مواعيد الماجستير كمان يخبرنا
وعقبال تخرج الباقيييييييين ن