كيف تعرفت على صديق عمرك ؟

مممممممممممم
كيفكم يا جماعة
رح حاول احكي باختصار
تعرفت على صديق عمري واللي اسمو مصطفى بالمدرسة بالصف السابع
واتقوت العلاقة بيناتنا بالصف التامن
يمكن كانت تعرفي عليه في شي من المصلحة ولو انو ما بسميها انا مصلحة
هي القصة حسب ما بذكر اني كنت مصاحب اتنين من الشباب اللي اتعرفت عليهن بالصف السابع
كنت بعرفهن من قبل بس معرفة ما كتير قوية
قوت العلاقة بالسابع بيني وبين هادول التنين
وبهالفترة كنت اتعرفت فيها على مصطفى
بالتامن صار في خلاف بيني وبين واحد من التنين اللي كنت مصاحبهن
وصارت قطيعة ولساتها دايمة لهلاء
فارجعت لرفقاتي اللي بعرفهن من الابتدائي
وقتها كان رفيق عمري مصطفى اتقوت علاقتو فيهن لرفقاتي بالابتدائي
وطبعا انا كنت حاسس انو شب كويس كتير
وشوي شوي صرت امشي معو لحالي
اول شي كنت امزح معو وتقل المزح شوي
لحد ما اتعلقنا ببعض باقل من فصل
ولهلاء ولساتنا مع بعض
يعني النا كصداقة فعلية من التامن
عدوهن وشوفو كام سنة
بيطلعو 8 سنين
ومابتصور اني بدل جزء منو باي رفق تاني بيوم من الايام
مع احترامي لكل الناس ومع شديد احترامي الكن اعضاء المنتدى
بس هي حقيقة
السؤال التاني صراحة ماذاكر ولا حدث
بس بالمجمل مواقفو كلها بتعجبني
وبحسو صديق قد المسؤولية
يعني بتصور انو اذا كنت انا بيوم من الايام مشغول بشي شغلة كبيرة
وما قادر اني استقبل حدا
وعلى فرض حكو معي رفقاتي من غير بلد انو جايين لعندي وانهن صارو قبل بانياس
طبعا مافيني اعتذر منهن بحكم انو هيك طبيعتي
فاذا حكيت معو وقلتلو انو يستقبلهن لبينما انا افضيت
ما عندي شك ولا حدا 0.00000000000000000000000000000000001 بالمليار انو رح يخجلني
بنظري شخص جدا كفؤ لاي مسؤولية
هاد مثال بسيط مقارنة بحقيقتو
بجوز تقولو اني عم بالغ
رح قلكن احكو شو مابدكن
بس لو بتجربو باتفه شي بدكن تغيرو رايكن اكيييييييييييييييييييييييييييييييييييييييييييييييييييييييييييييييييييييد
وسلامي للجميع
ودمتم

انا بصراحة و دون مبالغة ماعندي شخص واحد بس.....
اقرب صديقتين الي هن تعرفت عليهم بالعمارة و هن بضلو معي و حدي شو ما صار
واكيد الي بيعرفني عرف مين هن
جوجو و رزان
و عن جديد في صديقة بالعمارة ومن دفعتي تقاسمنا انا و هي كل مشاكلنا بالدرس و هي كانت المعين الدايم الي..... سارة
وبالاضافة لكتير اشخاص من العمارة
لهيك انا بشكر كلية العمارة الي جمعتني باصدقاء حقيقين اما المواقف فهي كتير و خاصة بجو كليتنا
و ما لازم انس الصديقة الي الي ما فارقتني من اول يوم بحياتي ...تؤامي الحقيقي ميا
صديقي الأبدي ......جبران

شكرا ع الموضوع الحلو الي ذكرني بمشاعر حلوة و اشخاص ممكن يزعلو اني ما ذكرتهم لأني ع تقة انو كل شخص عندو كتير اصدقاء العمر

ما شاء الله عليكي يا زينة
رفقاتك كتار
اي الله يديم المحبة والرفقة الكويسة

اكيد ما عندي مانع
ولو ؟شو بدي احسن من هيك؟؟؟
شكرا

أول شي قبل ما ابدا بدي اشكر نبراس عهالموضوع الممييييييزززز المممييييييز جدددددددا (شكرا الك)
أما عن جوابي ف بصراحة عندي رفقات عمر وبحياتي ما لقيت متلن ولا رح لاقي بعدن الا اذا كنت محظوظظظة كتييييير وامي داعتلي ...
رفقات عمري هنن تلاتة كنا مع بعضنا أحلى رفقة و أكتر من اخوة ....تنين منن بعرفن من لما كنا بصف الأول .....
و وحدة من السابع تعرفنا....وهيي بصراحة الاخت اللي الله ما بعتلي ياها من امي .... وهيي اقرب وحدة منن لالي ...علا
هيي يمكن بتفهمني اكتر من حالي و يمكن أكتر من أهلي ...ما بتخيل حالي فرحانة أو زعلانة ...من دون ما تشاركني هيي بفرحي وحزني... بتكون معي بأوقات ما حدا بيتوقع اني بحاجة لمساعدة .... بتفهم يلي صاير من عيوني....
بصراحة ما بقدر أوصف هالانسانة لانها ببساطة بتحمل قلب ملاك....
بحمد ربي انو تعرفنا ع بعض من ورا رفيقتي اللي كانت عم تحاول تحكيلي عنا وصارت مشكلة وبعدا صرنا أكتر من أخوة .... مع اني أول ما كنت شوفا بالشلة كنت اكرها كتير ما بعرف ليش؟؟؟؟ سبحان الله .....
ولهلق نحنا (هالرباعي المرح) منبقى مع بعض ع طول مع انو الجامعة كتير فرقتنا بسبب انو كل وحدة بكلية ....
وبالجامعة عندي رفقات.... وأخ واحد ..... ما بتمنى ابدا انو اخسرن لانو نحنا عم نتشارك مع بعض بكل شي ..هموم ..فرح...نجاح ...رسوووووب....
وبتمنى نبقى مع بعض لبعد الجامعة ويصيرو من أصدقاء عمري....واللي اعتبرتو اخوي الرابع ...يبقى اخوي....
فرح فرح فرح

اي تتهني بهالرفقة يا لمى
وان شاء الله ما بتفترقو ابدا

انشاللللله

لموضوع حلو بس بنفس الوقت صعب الحكي عنو
انا صدقي المفضل هو ايهاب الراعي
تعرفت على ايهاي بالجامعة وبلشة صحبتنا تقوا شو شو لحتا سكنا بالسكن بنفس الغرفة
ومع انو كنا نخلف كتير بوجهات النظر الى انو صحبتنا كانت تقوا
ورغم انتقالو بالسنة التانية على حمص الى انو ما قطعني >على العكس من كل رفقات هالايام <
وعلى طول بزورني بالشام وطل لعندي كل ما صحتلو فرصت
اما بالنسبت للمواقف فهي كتيرة وما رح احكي عنا

الموضوع حلو ..... أنا تعرفت ع صديق عمري بكراج البولمان منشان هيك كل ما حس عندي وقت فراغ بروح ع كراج البولمان

نبراس دائماً بأتحفنا بمواضيعه شكراً كتييير
(ربَّ أخ لم تلده لك أمُّك) بجد وقتلي الواحد بيعرف معنى هالجملة بيكون لقى رفيق عمره يلي بيشاركه حزنه قبل فرحه وبيسانده وإذا كان غلطان بيقله وإذا كان ملهوف بغيثه
في غنية من فيلم (حكاية لعبة 2) بدايتها كتير حلوة_ولو أنو هيي من لعبة لصاحبتها_ بتقول:
ساعة ما حبتني
ضحكت ليَّا الدنيا
لما تزعل يوم امسح ليها دمع العين
لما تفرح أفرح لها
ويزيد حبي ليها...

بصراحة عندي 3 أخوات تعرفت عليهن باللاذقية هنن من بلدي وبما أنو نحن الأربعة "بالمهجر" قصدي بالغربة سوا انعرف كل وحدة شو معدنها وتشاركنا لحظات القسوة والفرحة والمغامرات والضحك والجنان والضياع و..و.. سوا وصدقوني بلاهن كنت ما بتخيل حالي حأقدر كمِّل باللاذقية ومع أنُّو صارت بيناتنا خنايق وصلت للسما بس مع ذلك رجعنا أخوات أكتر من أول ومو ضروري إذا كانت في وجهات نظر مختلفة وخلفيات مختلفة أكتر لأنو هادا الشي هو يلي بيميز رابطتنا أكتر. وبتمنى نضل سوا طوول العمر_ولو 2 نجحوا وصاروا بسنةأعلى_
وبتخيل طلعتي على اللادقية هي صفحة سودة معتمة بس فيها 3 نجمات عميضووها ويساووها حلوة.
_حاسة حالي لح أبكي عكتر ما اتأثرت_

well, what 'bout u Nibras? tell us 'bout ur soulm8

انا صديق عمري اتعرفت عليه بالكافتيرا علبلوتوث .وهو شب اكتير امرتب و لهيك اكتير ابحب البلوتوث

انا صديقة عمري تعرفت عليها بالكلية وبتمنى كتير نبقى مع بعض مافي حدا بيحس في قدها وبحبها كتير واسمها ديما كمان بتاخد العقل الله يسلملي ياها