شو رأيكن بعلاقات طلاب الكلية وتعاملن مع بعضن ؟؟؟؟

ليش هييييييييييك؟؟؟؟؟؟؟؟؟؟؟؟؟؟؟؟؟؟؟
ما حدا علق ولو بكلمة ؟؟؟؟؟؟؟
والله الموضوع محرز ينحكى فيه
ولا أنا غلطاااااانة

لا يا انسة لمى انت ابدا ما غلطانة
الموضوع جدا مميز ومهم



اما الرد على الموضوع
فللاسف
انت قلتي اخر شي انو متمناية يكون احساسك غلط
بس فعليا مانو غلط
فعلا تعتبر المصلحة عندنا بالكلية صلة وصل كتير كبيرة
وفي عالم مامنشوفهن الا وقت المصلحة
وفعلا عم نتفاجئ احيانا ببعض الناس
وبصراحة اكتر
ما قوي هالشعورعندي الا هالسنة اللي انا رسبان فيها
حتص صرت شوف بعض الشوفات
انو الواحد عنا بيتخرج يادوب وطلع من هالكلية برفيق
ويمكن كتير احيانا ماطلع بشي



بتصور انو اذا بدي احكي بالموضوع لسا
مارح خلص
على كل
بتمنى انو تزول هالرابطة هادي بين الطلاب
اعذروني عم سميها رابطة ولو انو هيي مانها ربطة
لا هيي بتفك الروابط بين العالم
بس بكليتنا صايرة هيي الرابطة الاولى


شكرا عالموضوع العالي الاهمية
وسلامي للجميع

اولا بظن انو المصلحة شغالة بكل مكان مو بس بكليتنا

اما بكليتنا سواء كنت اولى او خامسة بتدور دايما عحدا فيك تكتسب منو خبرة شوي
ما بعرف اذا هيدي بتتسمى مجرد مصلحة

رفقة المصلحة متل ما قال ماهر ناس بتشوفن وقت الي بيطلبو مساعدتك وغير هيك
اذا شافوك بالطريق ما بيعرفوك

بس ما بيخلى الامر انو في ناس يمكن تبلش علاقتن مصلحة لحد ما بس ما توقف عند هالشي
وطبعا هاد حسب الاشخاص وحسب اخلاقن بالدرجة الاولى

كل واحد بيعمل بأصلو

بالنسبة للاحساس بانو اذا الي منعمل مع حدا منيحة بيستحقا اولا؟؟؟
فهاد شي ما فيه اي واحد يجزم فيه ويتاكد اذا هالشخص الي عم عاملو منيح بيستاهل او لاء
الي علينا منعملو...وطبعا العترة عالي ما بيعرف يرد السائل
العترة عالطيب...وبالاخير الا ما يبان مين الي بيستحق ومين الي ما بيستحق
في ناس بتضل مخباية لوقت طويل للاسف
وفي ناس بتشف حالا فورا

بس الواحد ما لازم يزرع الشك باي علاقة من علاقاتو بالناس
بس يتوقع كلشي


اسفة عالاطالة
عندي رفقة بحبن كتير وبتمنى نبقى دايما سوا

ماهر شكرا على تعليقك .....وبقلك أنو ما يهمك مين بقي رفيقك بهالسنة ومين لاء
بالعكس هالشي رح يكون كشفلك عالم كتير وحمود الله انو يمكن عالقليلة السنة الجاية ما توقع بنفس الغلط
وبصراحة أنا شايفة انو صايرة العلاقة بكليتنا متل ما قلت المصلحة بأكتر الأحيان


أما سالي ف بدي قلك شي كتير مهمة المصلحة ما هيي بمحاولة الشخص منا انو يستفاد من غيرو أبدا...لأنو التعلم من الاخرين ما اسمو مصلحة أبدا
المصلحة بتصير بين شخصين بيقربو من بعض كتير بفترة من الفترات لحتى يفكر الواحد منن انو التاني متل أخوه
و فجأة واحد منن بينسحب من حياة التاني من دون سبب أو أحيانا بكون سبب تااافه جدا
وليش ؟؟؟ لأنو خلص دورو ما في سبب أهم من هيك بكل بساطة....متل مثلا اذا حدا رسب ...رفقاتو اللي كانو معو بكل بساطة وبتدريج ممل...بيختفوا من حياتو ؟؟؟؟؟؟؟ليش؟ لأنو ما بقى عم يشوفو بعض بالمحاضرات يمكن ...هههههههههه
مو هيك هادا معنى الرفقة
عنجد أنا شفت كتير يمكن مو معي ؟؟بس مع رفقاتي اللي حواليي نسبة كتيرة منن صار معن هيك وخاصة اللي رسبو
ومعك حق مشان التعامل مع العالم دائما عم تكون العترة ع اللي قلبو طيب زياادة
وبالنهاية يا سالي انشالله ما تخسري اي حدا من رفقاتك ولا حدا يعمل معك اي فصل لئييييييييم

وشكرا كتييييييير ع تعليقكم عالموضوع

الشكر الك
صدقي ابشع شعور بالعمارة انو رفقاتك ما يكونو معك السنة الجاي وهالشعور كل سنة تحسو
على فكرة انا ما خايفة ارسب قد ما خايفة اخسر حدا من رفقاتي
وانشالله لا هيك ولا هيك بيصير
املي كبير كتير
يعني جد بس تطلع نتيجة التصميم بعتقد اني اسال او شوف علامات رفقاتي قبل علامتي

شكرا الك مرة تانية
وعن الفصول اللئيمة هيك الدنيي
منيح وقبيح
يصطفلو هنن الخسرانين

لا سالي انشالله التصميم تطلع و تكون علامتك ممتازة
مو بس نجاح ..... و كمان انشالله كل رفقاتك يبقو معك
موفقة .........

في رفقات صادقين
ما في احكي عن كل السنين
بس سنتنا كانت مميزة (السنة التالتة )الرفقات كانو مميزين
و الله يوفق الكل

الموضوع كتير حلو
هلا شوف بالنسبة الي والله في رفقات نقلو على غير محافظات ولسعتنا عتواصل مع بعض
وفي رفقات وهن النسبة الاكبر بتخلص السنة من هون وما عد بتعرف عنن شي (يعني متل ما بيقولو ولا حتى تعليمةمن الموبايل)
بس سيدي هيك حال الدنيا مصالح وبس

سلامي الحار إلك ماهر يعني حبيت سلم عليك بمناسبة الحكي عن الصداقة صحي أنا انتقلت وابتعدت عن المنتدى كمان بس والله بحياتي ما راح انسى حدا من أصدقائي بكلية العمارة باللاذقية ,يعني أنا صح مقصرة بس بالله سلملي على كل الشلة للي كانت معنا بالسنة التانية من السنة الأولى . كيفكون طمني عليكون . من دون التعليق على الموضوع الأصلي لأنو الشباب كفوا ووفوا .

كيفنا ياروز !!!!
مناااااااااااااح
اذا بتسمي العممارة شي منيح طبعا
انت كيفك
شو اخبارك
واعذريني على التاخر بالرد
بس ماكنت عم ادخل عالنت ابدا من الامتحانات
والشلة هون بتسلم عليك
سلاااااام