مشارع تخرج جامعات سورية

اول مشروع يا كرام هو تحت اسم مجمع العلوم والأبحاث الأثرية

للصراحة يا جماعة انا ما كنت بدي ضيف اي تعليق عالمشاريع اللي انا رح ارفعها
بس بما انو في غيري حب يشرك فرح ضيف تعليق بحسب علمي ومعرفتي
بالنسبة لمشروع المتبة الاقليمية اللي عرضو الادمين ففيني قول
خطوط المساقط خوطو بسيطة وظريفة
وعم تنعكس بالواجهات بكتل بارزة وقوية
فهالمزاوجة بين البسيط والمعقد في نفس الوقت شي ظريف ومحبوب بتصوري
اما رايي الشخصي ففيني قول انو صحي هالمشروع فعلا بيوحي بوجود مكتبة الا انو بخوف شوي
فكاني مارايح على مكتبة للهدوء والراحة
هاد رايي
ورجونا شو عندكن



سلااااااااااااااام

مشكور اخي open horizonعالمرور والتعليق
صحي ما حدا من الطلاب دخل وعلق متل ماكنت حابب
الا انو لازم كمل فكرة الموضوع
ورح ارفع اليوم مشروع تاني
وبالنسبة للاخ open horizon
كان فينك تحاول تحط رايك من منظورك الشخصي مهما كان قدر معلوماتك
المهم هون شرف المحاولة
على كل بلا اطالة هادي صورة مشروعنا لليوم
وهوي بعنوان ملتقى سيدات الأعمال بحلب

المشروع فكرتو كتير ظريفة يا ريت شوف اراءكن

لما بتتوفر عندي معلومات عن المشروع
مارح اخل عليكن فيا اكييييييييييد
بس كمان اعذروني لتقصيري
لانو كلنا طلاب وبتعرفو الجو
كل واحد في براسو ملييييييييييييييييون شغلة
بس انا ما رح اعذركن على تقصيركن بالردود
وينكن يا شباب ويا صبايا


وينكككككككككننننننننننننننننننننننننننننننننننن

مشروع اليوم يا رفقات لهواة الدو والري والمي
اسمو مدينة الموسيقا
عندي معلومات عنو ورح ادملكن هيي قدر الامكان



عناصر المشروع





1- فعاليات ثقافية : - دار الأوبرا

- المعهد العالي للموسيقى ( يمنح شهادة جامعية)

- المتحف الموسيقي

- المدرج المكشوف ( مدرج في الهواء الطلق )









2- فعاليات ترفيهية : - الحديقة الموسيقية

- مبنى اجتماعي خاص لطلاب المعهد الموسيقي

- كافيتيريات مطلة على الشارع الرئيسي





4- الخدمات الملحقة : -محاور مشاة مظللة

- محاور مشاة مكشوفة

- ساحة عامة تضم المياه الراقصة

- مواقف سيارات مغلقة و مكشوفة





الفكرة التخطيطية:



لقد اعتمدت في تخطيط هذا المشروع أن يكون دار الأوبرا على ارتباط وظيفي مع تكوين كتلة المعهد العالي للموسيقا بغية الأستفادة القصوى من العناصر المتاحة في كلا القسمين و يعطي انطباع التكامل بين الكتلتين كما أن هذا الإرتباط لا يؤثر على خصوصية كلا الكتلتين حيث يسمح بعمل أحد أقسام المشروع دون الآخر أي لا يشترط أن يفتح المعهد في الوقت الذي يكون المسرح يعرض المسرحيات أو غيرها و العكس صحيح أي أن كل عنصر يتمتع بالخصوصية التامة مع إمكانية الارتباط







الفكرة التكوينية:



1- كتلة المشروع تعتمد على أشكال منحنية واضحة وصريحة في الوقت الذي تتيح لي حرية الحركة والتصميم وهذا الحل يعطي فكرة التصميم الحديث الذي يتوافق مع النهضة العمرانية لهذا العصر





2- التصميم الداخلي للكتلة يعتمد على مبدأ الفراغ المفتوح (open space) حيث أن البهو الرئيسي مفتوح على معظم الفراغات بحيث يكون مرئي من قبل كافة المناسيب المؤدية الى صالة الأوبرا والدراما مما يعطي الأحساس بالعظمة والشفافية نحو الفراغ الخارجي







صورة المشروع

اول الشي بحب قول لماهر الله يعطيك العافة
اما بالنسبة لمشروع مجمع العلوم والابحاث فبصراحة ما حبيتو الكتلة منا قوية وخطوطا بسيطة ع مشروع بهل الضخامة صحيح فيه بساطة بس من وجهة نظري هيك مشروع بدو خطوط جريئة بتمثل العلوم المعاصرة والمتجددة كل يوم وبنفس الوقت بتعبر عن الاثار وعراقة الماضي . حتى دراسة الواجهات بتوحيلك انو هوة مبنى اداري منو علمي . يعني يمكن خرج ينعطى للسنة التانية او النا للتالتة...
هلق مشروع المكتبة الاقليمية كتير حلو خطوطو بسيطة مريحة صحيح واجهاتو معجقة شوي بس ع الاقل مستفيد من الارض وموقعا و محاولة معاصرة العمارة المصرية القديمة ( الفرعونية ). ككتلة بعتقد انها كتلة جريئة ومعاصرة باحتفاظا ع الطابع المصري.الواجهة شوي معجقة بس بتوحيلك انها مبنى اداري او مكتبة ....
ومشروع ملتقى سيدات الاعمال مشروع لزيز ماشي حالو يعني المصمم اخد خطوطو من الموقع دراستو للمساقط والنظام الانشائي حلو بس ما حسيتو كتير حلو او في شي كتير من الابداع....
مدينة الموسيقة رائعة بالتشكيل والتنظيم حتى بتقطيع الزونات كتير حلو الواجهة مدروسة منيح بتعطيك احساس انو لو فتت للمبنى رح تسمع موسيقا او هيك شي عنجد ماهر ختامها مسك.........

جاري وعزيزي ارت ماهر
المسك هوي اني اقرا ردك المعبر على موضوعي
مشكور جزيل الشكر
واتمنى ما تحرمنا من ردودك ابدا
مستر المهندس كوتش
مشكور عالمرور
وطبعا بحكمانك واحد مننا وفينا
اكيد فيك تنزل اللي بتحبو
مشكور ايضا عالمرور والتعليق



سلااااااام

بمناسبة مشاريع التخرج ما شفنا ولا مشروع سكني عل ميول متل مشروعنا
بدنا شوية همة منك استاذ ماهر
والله لهلق ما عرفت شو بدي اعمل بهل المشروع

والله يا صاحبي لو عندي شي مناسب
كنت استفدت منو انا قبل المنتدى
بس تكرم عينك
اذا شفت شي ظريف والله يسر
رح ارفعو عالمنتدى

وهي هدية مني

كتيرحلو شكرن بس زغار ما عم يتكبرو

وممكن مشروع مجمع تجاري سكني ازا في