مطاعم وكافيتريات حول العالم

بما انو مشروع السنة الاولى مطعم و كافيتريا

ما بيمنع تتبادلوا الشي اللي لاقيته وشفتوه وتعليقكم عليه


و انا من عندي رح حاول نزل قد ما بقدر صور وواجهات و مقاطع عن مطاعم

بتوقع هالمطعم اسمو ليغو

يسلم ايديكي
والله ما في منك
ما بعرف هالمشروع كيف رح اتشبس من دونك
بشي مخمس يمكن

يعني رغم بساطة هالمسقط
الا انو في شوية كركبة
وهالكركبة فارضتها الطاولة اللي بالمنتصف واللي شكلها كتييييييييييير مفشكل
يعني اذا بدو يعمل شي مختلف
بروح بحطلي هيك طاولة وبيقتل المساحات اللي عندو

شغلة تانية
اربع طاولات دائرية محصورين بزاوية وحدة في حين انو بالطرف المقابل في طاولة دائرية وحدة بس
واربع طاولات مستطيلة
يعني في فراغ بالطرف المقابل كتير واضح


حكينا بالسلبيات
الايجابيات من وجهة نظري
اول وحدة واللي هيي ميزة المطعم وبتوقع كل السلبيات اللي ذكرتها نتجت عنها
هيي تعدد الاقسام اللي فيه
وتعدد الخصوصيات وخصوصا القسمين المغلقين اللي على يمين المسقط
اضافة لوجود اكتر من مدخل للصالة الرئيسية وهاد الشي انا بحبو كتير


عذرا عالاطالة
وبالنهاية هاد رايي وبعتذر اذا كان في شوية تنظير او فهمنة اوماشابه
كل القصد كان هوي عرض فكرتي عنو مااكتر من هيك
برجع بعتذر عالاطالة

يعني الايجابية اللي حكيتها ماهر برئيي انا اهم شي بالمطعم و كل السلبيات بعدا بتنسى

بقصد بمطعم اذا كل مرة انا بدي اجي شوف نفس المنظر نفس الطاولة نفس اللون اي لا بئا بروح عغيرو
اهم شي بالمطعم عنصر الجذب
يعني بيجي الشخص بيقغد بجناح و بيشتهي جناح تاني بالجية التانية و التانية يشتهي شي تالت و هكذا لحتى يرجع يشتاق للجناح الاول



بالنسبة للحكيتو بالسلبيات يمكن طريقة الاخراج و اسلوب الرسم بيعطي ايحاء بهالشي ما بنكر بس لما رح تشوف الصور بجوز تحس الموضوع اخف
بس للاسف المرة الماضية فصلت النت قبل ما نزل الصور



بالنسبة لسالي تشبسي باي شي المهم تشبسي

انا استغربت شو هالشغلة الي بالنص
ما كنت عارفة انا طاولة بس شكلا حلو وخاصة بعد ما توضحت بالصورة
بس الاطلالة صايرة عموقف السيارات؟؟؟يعني بحس حالو الواحد مخنوق وهوي قاعد يتفرج عالسيارات


انسة سماح اي مو من عيوني
متشبسة عطول

ههههههههههه

يا محمد
انا تحديدا حطيت هذا المسقطط لتلاحظو انو اغلب المططاعم شكلها كتير عادي و انشائها بسيط

و بيجي بالديكور و التقسيم الداخلي الشغل عالجذب


تعليقك كتير حلو سالي
بس بتوقع المطعم بنص الم\ينة من وين ما طل هيطل عشارع
يعني احمد ربكم موقع الارض عندكم بيسمحلكم بالاطلالة
الموقع مو داتيم المعماري بيختارو


عفكرة كل تعليقاتكم حلوة و بمحلا

تابع صور المطعم:

عفكرة كل تعليقاتكم حلوة و بمحلا
ولو طلابك نحنا

لاء واذا لعبت بغير مسطرة الفرش
بقلولك شو هالفرش من وين جايبو ما بقبلك ياه

هوي احيانا منزودا بالفرش بس والله مو دايما
احلى شي هالخزانة الاسطورية الي كنت عاملتا -شو عجبتا للانسة سماح كتيييييييير-

ليش مين كان يلحئ يفرش ...
ايه نحن بالتبييض منشتغل المشروع كلللله ...
واذا زاد معنا وئت .. منعمل كام سكتش و منظور ..
وبالاسكيز يادوب نلحئ نطلع الواجهات والمقاطع وبالرصاص كمان ...

لك حبيبي محمد
هي شغلة التحبير بالاساكيز بدك تنساها للتخرج
اي بالاولى ما منلحق نحبر
كيف بالتانية
ثم انو فكرة الاسكيز مو ليلحق الواحد التحبير
هيي اختبار سريع للطالب
والتحبير اخر شي بالاهمية
على كل الله يجيرنا من الاعظم شغلة التحبير شغلة هينة

سالي انتي وصفتيها مو انا

يعني فعلا اسطورية..............


يعني لما اشتغلتي حلو بالواجهات ما قلتلك سكتيني

المطعم اللي رح ضيفو هلا اسمو
bei- asian restaurant

هالمطعم بالصين و تم افتتاحه بنيسان 2008

واضح وبقوة يا انسة
من المسقط والمقاطع
ولسا قبل ما شوف الصور
انو المطعم رغم الديكورات الحديثة اللي فيه الا انو محافظ على طابعو الصيني وبقوة
وهاد الشي عجبني فيه كتير

بس تعليقي عالمدخل انو مانو صريح و واضح
والوصول للحمامات مانو مباشر عن طريق الموزع الرئييس
وهالشي حسيت انو تاكيدا للطابع الصيني للمطعم
يعني هني عموما - متل ما بشوف بافلامهن - هيك تصاميمهن للمطاعم
واعذروني عالاطالة

والله شغلة المدخل يا ماهر ما بتوقع من باب الطابع

لانو متل ما شايف مانو عنصر معماري مستقل هاد شي معدل

ممكن متلا هي بناية مكاتب و بالطابق الارضي اجا مستثمر فتح مطعم فمحددات التصميم للبناية فرضت عليه شوية شغلات و لا شو قلك انتا؟

arch-samah wakil كتب:


و لا شو قلك انتا؟

انسة مافهمت عليكي هون شو قصدك
اما بالنسبة للمدخل فكلامك جدا منطقي خصوصا وجود في المسقط بعض العناصر اللي المصمم حاطط عليها -x-وكانها امور مرئية او مجاورة للمطعم

شكرا كتير انسة

ماهر بقصد شو قولك انتا و انتا جاوبتني خلص

عفوا للخطا المطبعي

المطعم الجديد اسمو the grove at discovery green

الموقع تكساس

شكراً كتير آنسة سماح والله إنك أكتر آنسة بتحس بالطلاب وبتعيش معهن وبتحاول تساعدهن
مدري ليش واجهت صعوبات بفهم هالمساقط وخصوصي أول واحد مشان هيك بدي أسأل كم سؤال
أول شي سهم الشمال بكل مطعم كيف؟
بالمطعم الأول المطبخ هو المستطيلات الحمراء والسوداء؟ ولا الغرفة يلي على يسارها؟
بالمطعم التاني كأنو ما في مطبخ من أصلو؟ في بس بار صغير ما بتخيل حيلحق يخدم لكل هالطاولات
أما آخر مطعم فما فهمت شي منو لأنو ما قدرت اقرا الكلمات الصغيرة كتير بس واجهاته البلور وسقفه المايل كتير حلووخصوصي كسر الرتابة يلي عاملينه بآخر صورة على اليمين وبتمنى تتكرمي علينا وتورجينا مواقع عامة لأنو بالكلية وكمان بالحياة العلية حسيت أنو الموقع العام كتير مهم وبمشروع متل مشروعنا ما بقل أهمية عن المسقط
وإذا بتقدري تجيبيلنا مطاعم بتراسات بتكوني فضلتي على راسنا من فوق

بتمنى ما كون تقلت عليكي وشكراً كتير كتير إلك

ومشان التوقيع بدي حدى يقلي كيف بنزل توقيعي لأنو صممتو بس ما نزل ليش؟ ما بعرف

والله سهم اشمال تحديدا بكل واحد ما بعرف
بالمطاعم كتير بيتلاشى دور التوجيه لحد تقريبا النسيان (نسيو حتى يحطو سهم الششمال) امام دور الاطلالة و التكوين الجذاب

بكل الاحوال اشمال بالمطعم beiبتوقع لفوق


بالنسبة لاسئلتلك
بمطعم ليغو: الخطوط الحمر هي عبارة عن الطاولات و الكنبيات الحمر بالصورة ما قبل الاخيرة
اللي صوبها المطبخ الثانوي و المستودع و رح تتفاجئي انو طاولة الشخبطات تستخدم للتجهيز النهائي


مطعم ال beiهو البار اللي شفتيه مع مطبخ مكشوف بعدا بتشوفي كردور خدمة خلفي (رقم 7) بوديك للمطبخ الاساسي اللي رقمو 8
هالشي اكبر من مشروعكم و متضطر الو المصمم هون هيك حركة بمشروعكم غلط

الاخير فرح لخصلك هو بانو المطعم طابقين و الطابق الفوقاني هو التراسات اللي عم تطلبيها (اللون الأصفر) وفي ادراج من الطرفين بتتوصل الها مباشرة

ما بعرف اذا رح يقبلوا هيك حركة بمشروعكم مع انو ممكن استخدامها في حال التكوين عنكم سمح بهيك حركة

وشكرا

رح حاول امنلك طلبك بس لخلص ه
شغلي