مطعم على شجرة

شكرا انسة
فكرة كتير حلوة صراحة
انا قراتها على انو هالشكل عبارة عن حلزو ضخم وهي قوقعتو اللي لافة على جذع شجرة
فصار الشكل من الطبيعة نفسها
يعني حلزون ومتسلق على شجرة
بس خطر ببالي لو انو دهنو جزء من هالكتلة العلوي بطريقة مدروسة بلون اخضر يعطي شكل اوراق الشجرة او .....
لتوحي انو الشكل هوي عبارة عن جزء من الشجرة نفسها



وشكرا كتير انسة وخصوصا بعد هالغيبة الطويلة

يسلم ايديكي
مع انو ما فتحو كل الصور معي بس شفت كم صورة
كتيير فكرة حلوة وكتير حلو ورومانسي يروح عليه الواحد
بس يا ترى بقاوم متغيرات الجو المطر و الرياح؟؟
بالنسبة للريح بظن بقاوم كونو حواليه شجر
بس المطر؟؟؟
لازم نوعية الخشب كتير منيحا ومقاومة


انا حسيتو متل السلة القش اللي بيجمع فيا الواحد الثمار
بس حلو لونو هيك برايي اذا دهنو بالاخضر بيصير نوع من الرتابة شوي
مبين انو كاسر الخضرة الموجودة
يعني مبين شي مميز اكتر من انو يكون بلون الشجر
بالاخير كل واحد عندو راي

بس جد غير شكل عقبال يصير عنا احلى منو...

ومتل ما قال ماهر شكرا بعد هالغيبة
بدون مجاملة وجودك يا انسة بحلي المنتدى والكلية طبعا

والله الفيو احلى

هههههههههه
اي كل ميبن الو رئيو حطان

بالنسبة الي بفضل حس حالي بقفص معلق عشجرة اكتر من كل قعدة الفيو )رغم صعوبة هالتخيل من ناحية الحجم)

انا من رئي سالي بالنسبة للون خصوصا انو الموادد من الطبيعة و ما بعيدة عنها

ة بالنسبة للجو ما بقدر احكم لانو ما عندي فكرة عن مناخ المنطقة هنيك

بس بتوقع اد ما كان فعامل استثمارو كتير كبير بيسمح بتبديل المواد كل سنة و هني الربحانين
لانو بتوقع هيك مطعم سعر فنجان القهوة فيه بيشتري كل الفيو

و العلم عند الله

و شكرا الكم المنتدى حلو بوجودكم

كل الفيو
كلللو
ولو
ولو
هلق بتزعلي
شباب السيريتل ها

حلوة كتير الفكرة بس كأنو ما في واجهات مفتوحة كتير؟
ومشان الفيو ضروري الواحد إذا بدو يستمتع شوي يطلعلو ب3000 ليرة على ولا شي؟

حلووووووو كتييييير ..
يسلمووووو arch-samah wakil
عنجد يعطيكي العافية ..

على فكرة أنا شايفة هالفكرة من قبل بس على مجال بيت على الشجرة بس ما عم بقدر نزل الصور فيكن تشوفوها بمجلة art et décoration بعدد ما له قديم يمكن فبل شي شهرين اسم التقرير des cabanes à vivre

ومرة شفت وثائقي عن فنادق بالعالم كان في فندق مساوى بقلب شجرة جذعها ضخم كتييييير لدرجة أنو قدرو يعملو فيها فندق من طابقين

بشرفني يعجبك رأيي انسة سماح
وشو رأيك اعزمك عفنجان قهوة بهالمطعم-وشو ما كان سعرو قليل عليكي-


ما فهمت شو القصد من واجهات مفتوحة كتير؟؟؟؟
في أحلى من هيك قعدة بواجهات مفتوحة مباشرة مع الطبيعة المحيطة

عن جد يا حطان كل مين الو رأي وسبحان الله اللي خلق الناس هيك وهيك
الدنيا ألوان

طيب شو بدك تساوي
هيك الله خلقنا

مشكورة سالي بس هيك بخاف تنفهم رشوة





هون الانفتاح تماما عمبدأ المشربيات بالبيوت القديمة من جوا نحو الطبيعة و ليس العكس

و هون الجمال

شكراً آنسة سماح فهمت القصة

بسيطة انسة
انا لهيك ما كنت اكتب متشبسة ههههههه
وعادي كل مين بيفهم عقدو

شو سماح
من جوا لبرا
اممممممممممممممممممم
حلوة هيدي

هههههههههههه


هي مصطلحات لطلاب الاولى هي شغلتنا حطان
ولو


سالي لا بالله لازم تتشبسي مو حلوة بحقك

اي اذا هيك
معك حق
بس ديري بالك هاه
من اللافتات اللي بدكون تحطوها
ممنوع الاقتراب والتصوير
منطقة .... السنة الاولى ....العسكرية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا بالعكس حطان

عمرك امنعت حدا من انو يدخل منطقة لانو ما منعمرو

بالعكس ما ارقى العلوم علوم الاطفال
سوري ما قصدت انو السنة الاولى كتير صغار
بس لوصل فكرة انو الشي ما بالعمر

والله يا سماح
حابب قللك معك حق
بس
ما بقدر
انطريني كم يوم بس
وبعدين منحكي ..... طويلا بهالموضوع

شو يعني
طلعنا نحنا برااااااااااااااااااااااا
طيب بسيطة يا متخرجين
بيجي يوم ومنتخرج فيه ان شاء الله
وخلونا نتواجه ساعتها

لا انا رفعت الراية البيضة

اتطمن ماهر

اي ولو مستشار
بدك تتدخل بكل شي
بدنا نحكي عن الفورمولا 1 جاهز
شفت شلون
انطرنا شوي
واكيد سماح ما رفعت الراية البيضا
هيي اكيد عم تناور من شان تكسب شوية وقت
واللا شو سمااااااااح

ههههههه
برفع رايتين بيض

2
why ???

2
why ???

للتوكيد

ايوااااااااااااااا
ايامك يا عمي ايامك
توكيد
وتوكيل
وما بعرف شو

ههههههههههههههه
اي لكن

الله يبسطك ولك عمي
نيالك

الله يبسط الكل

وصلتنا اخبار جديدة عن هذا المشروع:


أهمها اسم المصمم:
Peter Eising
Pacific Environment Architects,


كما تؤكد الانباء انه كان لهذا المشروع أصداء على المستوى العالمي


و نقلاً عن المعمار المصمم :
“I haven’t designed a treehouse since my childhood, let alone built a restaurant in one. I’ve been amazed at the interest from media and the design community overseas and, now that it’s completed, I’m really proud of the way it’s turned out.”

و اليكم هذه الصور عن المطعم في مراحل التشييد

والله ما بعرف شو بددي قللك
يقعد بشي سجن
على قمة شي شجرة
ما ارخص
وافضل
واقل صرر على البيئة
والمحافظة على الثروة الحراجية

شكرا كتير انسة سماح

هلاء رح نخرج عن فكرة المطعم
لفكرة المنزل
بس كمان على الشجر

These incredible looking tree houses are called ‘Free Spirit Spheres’ and are designed by Tom Chudleigh, and is an eco-friendly living quarter that was created to co-exist unobtrusively with its forest environment.